Video
Read full review
2018-09-22
78 views
一向鍾意打邊爐，但又怕好嘈，難得最近喺銅鑼灣搵到間環境舒服又寧靜嘅打邊爐，梗係要介紹下比大家。店內裝修都好舒服，連啲碗碟都充滿中國色彩。店內一路播住音樂，好柔和，真係好少有啲咁舒服嘅環境打邊爐。而且每圍檯仲要間住一塊板，好有私人空間，唔駛怕隔離檯望到會尷尬，可以同親朋好友暢所欲言。湯底方面揀左職員推介嘅鮮椰青雞鍋，首先職員會用銅煲裝住鮮雞，受熱更加平均，再加入椰子炒香，然後再贊酒，用火槍燒香，之後加入原個椰青水同埋椰子雞湯煲一陣，椰子香味完全散發，職員話唔好落食物住，先飲一啖湯試下先，嘩！果然又香又清甜，好好味！忍唔住飲左成碗。飲完湯再食雞，成個口腔已經充滿椰子香味，另外採用新鮮雞肉，鮮嫩滑溜，提提大家唔好食完一件再夾第二件，如果唔係啲雞就會過熟，唔夠嫩滑架啦。基本上食完個雞煲都飽得七七八八，不過都要試下其他嘢嘅。另外，我哋揀左碟西班牙黑毛豬豚肉夠薄身，豚肉稔滑，肥瘦適中。餃子類揀左黑松露蟹肉餃，加$10可以雙拼，另外揀左鮮蝦帶子水餃。啲餃子粒粒都夠晒大，啲黑松露好香，加埋蟹肉完全是完美配搭，第一次試呢款口味。鮮蝦帶子水餃餡料豐富，材料新鮮，蝦肉帶子爽口又彈牙，仲要有粒粒蟹子喺面。蟹籽
一向鍾意打邊爐，但又怕好嘈，難得最近喺銅鑼灣搵到間環境舒服又寧靜嘅打邊爐，梗係要介紹下比大家。
店內裝修都好舒服，連啲碗碟都充滿中國色彩。店內一路播住音樂，好柔和，真係好少有啲咁舒服嘅環境打邊爐。而且每圍檯仲要間住一塊板，好有私人空間，唔駛怕隔離檯望到會尷尬，可以同親朋好友暢所欲言。
鮮椰青雞鍋
$298
11 views
0 likes
0 comments
鮮椰青雞鍋
$298
21 views
0 likes
0 comments
湯底方面揀左職員推介嘅鮮椰青雞鍋，首先職員會用銅煲裝住鮮雞，受熱更加平均，再加入椰子炒香，然後再贊酒，用火槍燒香，之後加入原個椰青水同埋椰子雞湯煲一陣，椰子香味完全散發，職員話唔好落食物住，先飲一啖湯試下先，嘩！果然又香又清甜，好好味！忍唔住飲左成碗。飲完湯再食雞，成個口腔已經充滿椰子香味，另外採用新鮮雞肉，鮮嫩滑溜，提提大家唔好食完一件再夾第二件，如果唔係啲雞就會過熟，唔夠嫩滑架啦。基本上食完個雞煲都飽得七七八八，不過都要試下其他嘢嘅。
西班牙黑毛豬豚肉
$168
12 views
0 likes
0 comments
另外，我哋揀左碟西班牙黑毛豬豚肉夠薄身，豚肉稔滑，肥瘦適中。
黑松露蟹肉餃雙拼鮮蝦帶子水餃
15 views
0 likes
0 comments
餃子類揀左黑松露蟹肉餃，加$10可以雙拼，另外揀左鮮蝦帶子水餃。啲餃子粒粒都夠晒大，啲黑松露好香，加埋蟹肉完全是完美配搭，第一次試呢款口味。鮮蝦帶子水餃餡料豐富，材料新鮮，蝦肉帶子爽口又彈牙，仲要有粒粒蟹子喺面。
蟹籽蝦丸雙拼黑松露墨魚丸
40 views
0 likes
0 comments
蟹籽蝦丸爽口又彈牙，黑松露墨魚丸又香又新鮮。
手唧鮮魚麵
$68
21 views
0 likes
0 comments
手唧鮮魚麵唔係成日見到，今次打邊爐難得見到，梗係要嗌番個啦。其實我最鍾意係唧嗰下，貪佢幾得意幾好玩，鮮魚麵一啲腥味都無，味道鮮嫩，煙韌彈牙。
菊花蜜
$68
11 views
0 likes
0 comments
除左食嘢，打邊爐點可以唔飲嘢，叫左壺菊花蜜，味道唔會太甜，淡淡嘅菊花香味，清熱又解渴，絕對係打邊爐不能缺少嘅飲品。
下次想同朋友打邊爐都會再嚟，一路可以靜靜傾下計，又可以烚下烚下！
Post
