湯宴燉湯專門店 (Closed)

途經太子望見對面街大大個招牌寫住燉湯專門店，尼排太忙都少飲湯水，一於行去買盅補下先燉湯有10款，仲有小食、煲仔飯類，甜品，小小一個店舖食物都幾多選擇，櫃內放滿大大個原盅椰子，場上擺滿一啲藥材裝飾，相信用嘅都係優質藥膳，唔想外賣，可以即場係店內食最後點竹笙烏雞椰子盅，真空包裝，外賣就最方便！唔怕𠊷瀉，打開真空包裝，已聞到好香椰子味，盅內滿滿嘅湯料，有烏雞，准山，南棗，竹笙吸收湯精華份外好味，呻一口湯，清甜無比，椰子嘅清甜充斥着整個口腔，食材新鮮，飲完整個湯，真係滋陰又養顏店員介紹雞翼包飯係熱賣食品，於是買來試一試，脹卜卜嘅雞翼包住炒得粒粒分明嘅有味飯，雞肉嫩滑，烤得恰到好處，唔會太乾，依然好juice,果然無介紹錯煲仔飯連湯套餐都只係$48，仲有原個椰皇甜品，下次一定要買回家慢慢品嚐