Nomad Burger (德民大廈) (Closed)

【黃埔】Nomad Burger — 軟殼蟹蝦餅蟹皇醬漢堡.搭巴士喺德民街站落車，往小巷直行。唔洗一分鐘，就會到達呢間小店— Nomad Burger。.餐廳係一間外賣店，不設任何堂食。Nomad認為每一個人都係一位流浪者，視餐廳為各位流浪者嘅加油者。食完之後就會得到力量同鼓勵，繼續旅途，所以主要做外賣。以白色作為餐廳色調，不論牆身、窗框或枱櫈，都採用左白色。相比起其他餐廳，特別易認同特出。.BALL就試左期間限定嘅軟殼蟹蝦餅蟹皇醬漢堡。原隻軟殼蟹香脆，配上軟滑牛油果，口感豐富。厚實嘅蝦餅，每一啖都食到濃濃嘅蝦味，加上蟹皇醬，令蝦餅蝦味提升。提提大家，因為漢堡材料十分豐富，食個陣要小心啲料跌出黎。.順帶一提，Nomad Burger除左有預設餐牌同漢堡之外，大家都可以自選漢堡材料，食一個屬於自己嘅漢堡。有興趣可以去試吓架。