Lab Eat Bistro (豉油街) (Closed)

呢度嘅主菜唔係任食，其他嘢就任食，我哋揀咗兩款主菜，一個牛一個豬，牛就係美國穀飼天然牛腰扒🥩牛扒，燒得好靚，外邊有啲脆，但內裏就仲好腍，粉嫩色嘅牛肉，啱啱熟，牛味亦都好重，點啲燒汁食咗好香，再加埋底下啲野菌同薯蓉伴碟，好豐富！另一個豬就係濃濃燒烤醬豬肋骨🍖豬肋骨雖然係肋骨位，但係都有肉，啲肉仲好腍好嫩，另外真係用燒烤醬醃得好好，燒到好香，完全係焦香嘅，再加埋香脆嘅薯條，真係不得了！呢度既其他海鮮，沙律，甜品都任食，我就特別鍾意佢哋嘅海鮮🦐全部都好新鮮，啲蝦同啲青口都好大隻，啲螺都係，亦都好鮮甜，好唔錯！