喜泰味

Open Now

Now Closed

呢次係第二次嚟麗閣商場呢間泰國菜。近期有羊腩煲，本來好想試吓。但我哋又想叫冬陰功又想叫菠蘿炒飯、串燒，又好似太多，唯有下次再試。先講個冬陰功用了十足有蝦、雞髀菇、車厘茄，辣度、酸度配合得天衣無縫，香茅味十足，兩個人飲每人可以有兩碗半左右，啱啱好！個炒菜亦唔錯，唔算太鹹有少少甜，亦有少少辣，同埋好大碟，兩個人都好夠食。另外叫咗個雞串、牛串，燒得好香但缺點係燒得燶左少少。沙嗲醬同埋個蝦片亦都唔錯。 另外叫咗個芒果糯米飯做甜品，同埋椰青。芒果糯米飯就麻麻哋，芒果唔算好甜，糯米飯就普普通通。而椰青就好新鮮非常唔錯！