Video
Read full review
2023-12-13
664 views
之前幫襯過荃灣嗰間「BnR」，今日嚟馬鞍山探朋友，發現原來新港城中心都有分店，中午就一齊過嚟嚐新。餐廳面積頗大，裝修新簇，座位闊落，坐得非常舒服。我哋每人點咗一個主食，+$38 可以轉套餐，包小食、甜品及飲品各一。揀咗花膠雞淮山麵 ($86) 同 蒜頭豆豉籠仔蒸大鱔飯 ($108)。招牌雞湯選用大量上等雞隻同食材熬煮而成，湯身濃稠順滑，不油不膩，味道唔錯。花膠補而不燥、雞肉新鮮嫩滑，加上爽滑富彈性嘅淮山麵，令人回味無窮！大鱔好新鮮，肉質肥美，入口無泥味，蒜頭豆豉嘅份量拿捏得啱啱好，味道唔會過咸。墊底嘅米飯好有驚喜，竟然係蛋炒飯，加上荷葉嘅香氣，絕對係味覺同嗅覺一大享受！小食選了炸芫茜牛肉波同炸魚片頭，牛肉球大大粒，外酥內嫩，牛肉味好濃郁，加上芫茜嘅清香，用來做小食真係一流！魚片頭炸至金黃色，外層厚皮香口，咬落去脆脆地，入口彈牙甘香，結實有魚味。甜品有手工紅豆麻糬同一口花生麻糬，另外我哋仲加咗客炸椰子奶 ($48)，麻糬外皮又Q又軟，紅豆泥鬆軟綿密；花生餡香濃帶顆粒感，充滿幸福滋味。炸椰子奶外脆內軟滑，入口椰子味好香濃，好睇又好食。跟餐飲品點咗熱即磨咖啡 同 椰汁爆珠紅豆冰 (+$8)，
之前幫襯過荃灣嗰間「BnR」，今日嚟馬鞍山探朋友，發現原來新港城中心都有分店，中午就一齊過嚟嚐新。
餐廳面積頗大，裝修新簇，座位闊落，坐得非常舒服。
我哋每人點咗一個主食，+$38 可以轉套餐，包小食、甜品及飲品各一。揀咗花膠雞淮山麵 ($86) 同 蒜頭豆豉籠仔蒸大鱔飯 ($108)。
招牌雞湯選用大量上等雞隻同食材熬煮而成，湯身濃稠順滑，不油不膩，味道唔錯。花膠補而不燥、雞肉新鮮嫩滑，加上爽滑富彈性嘅淮山麵，令人回味無窮！
大鱔好新鮮，肉質肥美，入口無泥味，蒜頭豆豉嘅份量拿捏得啱啱好，味道唔會過咸。墊底嘅米飯好有驚喜，竟然係蛋炒飯，加上荷葉嘅香氣，絕對係味覺同嗅覺一大享受！
小食選了炸芫茜牛肉波同炸魚片頭，牛肉球大大粒，外酥內嫩，牛肉味好濃郁，加上芫茜嘅清香，用來做小食真係一流！
魚片頭炸至金黃色，外層厚皮香口，咬落去脆脆地，入口彈牙甘香，結實有魚味。
甜品有手工紅豆麻糬同一口花生麻糬，另外我哋仲加咗客炸椰子奶 ($48)，麻糬外皮又Q又軟，紅豆泥鬆軟綿密；花生餡香濃帶顆粒感，充滿幸福滋味。
炸椰子奶外脆內軟滑，入口椰子味好香濃，好睇又好食。
跟餐飲品點咗熱即磨咖啡 同 椰汁爆珠紅豆冰 (+$8)，紅豆飽滿甘香，入口椰汁味好香濃，配上爆爆珠，冰涼清爽，正！
Post
