烚時・滾動 (Under Renovation)

約咗舊同事食飯，所以揀咗一間中間點嘅打邊爐店～～☺️☺️調味料用九宮格嘅形式呈現，我最鍾意係佢啲杯好靚，好中式！！驚喜嘅係調味料仲有青檸！💕⭐️烚時肉拼盤總共有四款肉類，包括手切肥牛、三角肥牛、牛粒同羊肉卷，肥牛紋理好靚，口感軟腍有鮮牛味，so far每款肉類嘅質素都唔錯👌⭐️新加坡大魚丸形狀有啲似長洲大魚蛋，但係好食好多，魚味濃郁，同埋好彈牙⭐️響鈴 $33 $33兩條嚟講其實有少少貴，但係都幾大條，好長，所以我覺得OK，新鮮熱辣辣，打邊爐必食⭐️椒鹽墨魚咀大大份，好惹味！