瀛鍋

Open Now

Now Closed

去九龍城食飯，今日唔想食泰國菜，今日得10度，天寒地凍就即刻想打個邊爐，呢間火鍋有驚喜！點了鮮魚湯底，先飲魚湯後打邊爐，好似屋企媽媽煮嘅魚湯一樣濃郁！海鮮盛盒有新鮮生蠔，帶子，鮮蝦，鱔片，鮮魚片鱔片大推，超級鮮味！滾幾秒就食得，爽口彈牙！新鮮扇貝非常鮮甜，蠔肉好厚！手工餃自家製水餃，超級巨型真材實料，超大隻蝦，就連雲吞都有原隻鮮蝦！手工丸魚皮餃，芋頭丸，韭菜餃，芝心丸全部都好出色！霜降肥牛肉🐮油脂分泌好平均，入口牛肉味非常濃郁，靚到不得了！有機洛神花茶！最欣賞嘅嘢飲，大大杯，岩曬打邊爐！整體黎講，全部食物都非常有質素，第一次見火鍋店有小朋友玩嘅地方，下次可以帶埋屋企隻馬騮仔過嚟！