Video
Read full review
2021-01-13
664 views
最近見有幾個foodie介紹哩間良心小食店，睇相見到厚厚既吐司加埋爆曬汁既流心蛋，相當吸引，所以決定一試。所有野都係即叫即做☺️ 不過因為舖仔細細 冇得堂食，企喺街度食又唔方便，所以啲野食拎到返屋企已經凍左少少🙈 *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🥪 台式肉蛋芝士吐司 ($53)因為拎到翻屋企先食已經隔左一段時間，個吐司表面已經唔脆。麵包口感鬆軟，蛋汁同芝士微微滲左入麵包入面，但係都冇搞到個包濕曬淋曬。塊豬扒好淋唔乾身，用左秘製醬汁醃製，醃得好入味，醬汁微甜並且帶有鹹香，加埋蛋汁同芝士成個combination好夾😋 相信如果當場熱辣辣咁食應該仲滿足 🥪 麻辣鬼椒肉蛋芝士吐司 ($55)怕辣人士請注意‼️ 哩款吐司既配料基本上同上面一樣，只係多左一層麻辣醬汁，其實唔算好麻，不過辣度十足，一路食要一路飲水🥵 雖然兩款吐司既配料都係大同小異，但係食落既感覺好唔同。哩款既辣度可以提升到芝士既存在感，令芝士味更加突出，整體黎講更惹味，而上面嗰款就更能食得出蛋香同埋豬扒醃料既味道，兩款都各有千秋🤗 🧆 手工芋泥球 ($18)哩款小食其實係將芋頭打成泥，磋成
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
🥪 台式肉蛋芝士吐司 ($53)
因為拎到翻屋企先食已經隔左一段時間，個吐司表面已經唔脆。麵包口感鬆軟，蛋汁同芝士微微滲左入麵包入面，但係都冇搞到個包濕曬淋曬。塊豬扒好淋唔乾身，用左秘製醬汁醃製，醃得好入味，醬汁微甜並且帶有鹹香，加埋蛋汁同芝士成個combination好夾😋 相信如果當場熱辣辣咁食應該仲滿足
🥪 麻辣鬼椒肉蛋芝士吐司 ($55)
怕辣人士請注意‼️ 哩款吐司既配料基本上同上面一樣，只係多左一層麻辣醬汁，其實唔算好麻，不過辣度十足，一路食要一路飲水🥵 雖然兩款吐司既配料都係大同小異，但係食落既感覺好唔同。哩款既辣度可以提升到芝士既存在感，令芝士味更加突出，整體黎講更惹味，而上面嗰款就更能食得出蛋香同埋豬扒醃料既味道，兩款都各有千秋🤗
🧆 手工芋泥球 ($18)
哩款小食其實係將芋頭打成泥，磋成球狀再拎去炸，入面並冇其他餡料。食落有少少失望🙁 芋泥球size偏細，表面炸得唔夠香脆，芋頭味亦都唔突出，不過口感都唔錯，芋泥蓉尚算綿滑，仲有一啲芋頭粒令口感更加豐富
🍠 芋頭椰汁三色圓 ($42)
當日店員同我地講話芋圓冇曬，只係得地瓜圓同紫薯圓😅 先講個芋頭椰汁糖水，好有驚喜🥰 芋頭味同椰汁味都非常重，香濃得黎又冇搶左彼此既味道，而且甜度適中，質地頗杰身，食得出唔係落左好多粉漿既嗰種杰，而係充滿芋頭既澱粉質嗰種，感覺個糖水真係落足料，令人忍唔住一啖接一啖咁食😋 相比起個糖水，地瓜圓同紫薯圓既味道就偏淡，不過都幾煙韌彈牙，質地係比較滑身既嗰種，我男朋友幾鍾意，不過我就prefer有啲顆粒口感既芋圓。整體黎講，芋圓不過不失，但係個芋頭椰汁糖水真係冇得彈，可以彌補返芋圓既不足
✍️ 𝓞𝓿𝓮𝓻𝓪𝓵𝓵 𝓻𝓪𝓽𝓲𝓷𝓰𝓼 ✍️
ᴛᴀsᴛᴇ ⇢ 𝟽.𝟻/𝟷𝟶
ᴅᴇ́ᴄᴏʀ ⇢ 𝟹/𝟷𝟶
sᴇʀᴠɪᴄᴇ ⇢ 𝟻/𝟷𝟶
ʜʏɢɪᴇɴᴇ ⇢ 𝟻/𝟷𝟶
ᴠᴀʟᴜᴇ ғᴏʀ $$ ⇢ 𝟼/𝟷𝟶
*,.▤‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥▤,.*
📍 旺角黑布街104號地下D號舖
#非專業食評
#食評只反映當日食物質素
Post
