赤橋拉麵 (Closed)

好好味嘅沾麵，怪不得咁多人排隊。我地叫咗海老沾麵和新出嘅辛味噌沾麵，海老沾麵湯底係飲到濃濃嘅🦐味。至於辛味噌沾麵，雖然佢係兩隻辣椒，食第一啖時有D搶喉，但之後食又順喉，味道非常濃郁。店主建議食沾麵食到一半時，可加D果醋在湯底內，會食到另一層次。湯底除了有义燒（肥瘦適中，唔會食完成口油）、紫菜外，仲有一隻溏心蛋、肉碎，辛味噌湯底仲有芝士碎，口感非常豐富。返到屋企係完全冇口渴，係唔需要狂飲水！所以絕對係真材實料！