Video
Read full review
2024-05-05
93 views
今日同個同事出去慶祝吓，去咗維港冰室好豪咁兩個人叫咗三個小菜Share嚟食。豉汁蒸䱽魚（$99）：䱽魚都幾新鮮。肉質唔會死實實。時間控制好。魚腩位滑溜唔腥。配埋豉汁蒸好惹味。菜心炒牛肉（$87）：除咗菜心同牛肉，仲有雲耳同埋草菇。整碟份量都好多。牛肉厚薄適中，肉質彈牙。菜心清甜爽口。麻辣土豆雞煲（$87）：土豆同雞件都有經過油泡，所以唔會散修修。土豆軟熟。雞件配埋麻辣調味辣得好過癮。小菜套餐配埋餐湯，可以揀中湯，紅湯同埋白湯：我哋揀咗兩個中湯同埋一個紅湯。中湯今日係青紅蘿蔔煲豬骨，蘿蔔味清甜。紅湯酸酸美味，有啲雜菜湯渣食吓都唔錯。凍檸茶兩杯（+$8@）：凍檸茶好大杯，每杯都有三大片檸檬。
今日同個同事出去慶祝吓，去咗維港冰室好豪咁兩個人叫咗三個小菜Share嚟食。
豉汁蒸䱽魚（$99）：䱽魚都幾新鮮。肉質唔會死實實。時間控制好。魚腩位滑溜唔腥。配埋豉汁蒸好惹味。
菜心炒牛肉（$87）：除咗菜心同牛肉，仲有雲耳同埋草菇。整碟份量都好多。牛肉厚薄適中，肉質彈牙。菜心清甜爽口。
麻辣土豆雞煲（$87）：土豆同雞件都有經過油泡，所以唔會散修修。土豆軟熟。雞件配埋麻辣調味辣得好過癮。
小菜套餐配埋餐湯，可以揀中湯，紅湯同埋白湯：我哋揀咗兩個中湯同埋一個紅湯。中湯今日係青紅蘿蔔煲豬骨，蘿蔔味清甜。紅湯酸酸美味，有啲雜菜湯渣食吓都唔錯。
凍檸茶兩杯（+$8@）：凍檸茶好大杯，每杯都有三大片檸檬。
Post
