正月十五 (Closed)

喺紅磡食完飯, 想食碗糖水同朋友仔繼續傾下計, 行行下見到呢間十月初五嘅friend---正月十五。有賣傳統中式糖水同創意甜品, 店舖細細, 裝修都有啲新, 就入去試試。都幾多選擇, 有奶凍, 特式中式糖水, 黑珍珠等等, 而且牆上都會寫出一啲餐牌上無嘅甜品, 記得睇睇牆上介紹先再諗, 因為都幾吸引。價錢唔算太貴, 中間價位, 叫左蓮子紅豆沙芋圓$28。紅豆沙著得唔錯, 起哂沙, 少少甜, 而且好足料, 啖啖都食到紅豆。芋圓有5粒, 食落比較實, 如果再軟Q一啲, 就更正。呢碗好豆沙食完會好飽肚, 因為太足料喇。佢仲有個5.0牛奶布甸同抹茶crepe cake, 好想試。有機會再去開, 就食下先。