生記粥品專家

Open Now

Now Closed

今日去開上環做gym.做之前梗係要食個brunch先啦。星期六上環嘅食店呢都仲有開嘅。嚟呢間排晒隊嘅生記食下野先。其實我都係第一次來，聽聞啲嘢好掂。於是就叫咗個蘿蔔牛腩清湯麵，試一試佢。結果係名不虛傳！我好鍾意食炆蘿蔔。呢個蘿蔔不得了。佢又唔會炆到蘿蔔爛晒，仍然好有咬口。見到佢幅相就知道佢其實炆得好靚。清澈透白。裏便唔會咬到蘿蔔根。吸晒啲湯嘅精華，但係保持到佢個「肉質」。非常之推介呢個蘿蔔。之後當然係主角牛腩啦。佢淋得來，係仍然保持到佢個肉嘅質地。食得到一條條嘅肉絲。唔係搵梳打粉「哪」到淋晒嘅肉。牛肉味非常濃郁。真係好靚。個湯自然係好好飲啦。唔識點形容。係好清得來有層次嘅鹹味同埋肉味。佢嘅麵亦都係好彈牙。見好多其他食客要魚片粥都食得津津有味。Lin晒魚骨。下次都可以天氣凍啲試吓。必定再返嚟食埋其他嘢。但係預咗呢啲小型嘅餐廳座位就唔舒服架啦。排排坐面對面，迫迫地忍一忍啦。