Video
Read full review
2018-05-01
189 views
聽朋友講就升職講咗好耐，而家終於成事～所以好開心咁話請我食飯，仲好豪咁請我嚟食Omakase，睇得出佢有幾開心餐廳唔大，只有呢個L形counter，一共坐到12人。另外，聽講呢度每晚只做一轉，所以唔洗怕比人趕，可以慢慢食，啱哂我呢啲食得好慢嘅人呢一晚由頭到尾一共食咗超過30樣嘢，太多記唔哂，所以揀咗啲比較印象深刻嘅嚟同大家分享白子其實即係精子。第一次食，出奇地係嫩滑、鮮味因為魚頭呈八角形而得名，食落爽口亦帶油香師傅撻一撻佢令佢收縮先至serve俾我哋，所以食落好爽脆，而味道則好特別，甘甜又略帶澀感見魚皮個樣以為會韌、要咬好耐，但原來都幾軟，魚肉亦好鮮甜鬚同身嘅口感各有不同，前者較爽、鮮味；而後者口感較軟，濃味嘅昆布亦令個味道更加豐富刺身入面包住肝醬，炙燒過後油香味更加香濃，整體好惹味刺身用昆布熟成過，令魚肉食落有更多層次同鮮味、更軟滑 味道極鮮甜，破哂我以前食過嘅牡丹蝦嘅鮮甜度紀錄，唔係誇張而蝦頭更加係凝膏聚脂，鮮味無窮呢件刺身以紫菜同紫蘇包住，雖然油份極高，但一啲都唔覺肥膩，而且完全入口即溶，油脂嘅甘醇味道簡直留喺口入面唔散酸咪咪嘅酒糟配上爽口嘅生山芋，安排喺拖羅後食除咗可以ref
餐廳唔大，只有呢個L形counter，一共坐到12人。另外，聽講呢度每晚只做一轉，所以唔洗怕比人趕，可以慢慢食，啱哂我呢啲食得好慢嘅人呢一晚由頭到尾一共食咗超過30樣嘢，太多記唔哂，所以揀咗啲比較印象深刻嘅嚟同大家分享
[虎河豚白子]白子其實即係精子。第一次食，出奇地係嫩滑、鮮味
[八角魚]因為魚頭呈八角形而得名，食落爽口亦帶油香
[青柳貝]師傅撻一撻佢令佢收縮先至serve俾我哋，所以食落好爽脆，而味道則好特別，甘甜又略帶澀感
[依佐目]見魚皮個樣以為會韌、要咬好耐，但原來都幾軟，魚肉亦好鮮甜
[墨烏賊]鬚同身嘅口感各有不同，前者較爽、鮮味；而後者口感較軟，濃味嘅昆布亦令個味道更加豐富
[赤鯥]刺身入面包住肝醬，炙燒過後油香味更加香濃，整體好惹味
[黑𩶘]刺身用昆布熟成過，令魚肉食落有更多層次同鮮味、更軟滑
[北海道珍寶牡丹蝦]味道極鮮甜，破哂我以前食過嘅牡丹蝦嘅鮮甜度紀錄，唔係誇張
而蝦頭更加係凝膏聚脂，鮮味無窮
[安拖羅]呢件刺身以紫菜同紫蘇包住，雖然油份極高，但一啲都唔覺肥膩，而且完全入口即溶，油脂嘅甘醇味道簡直留喺口入面唔散
[酒糟山芋]酸咪咪嘅酒糟配上爽口嘅生山芋，安排喺拖羅後食除咗可以refresh吓味蕾之餘，都係一個好特別嘅小食
[沖繩苦瓜]餐廳自己醃嘅苦瓜，好爽脆，帶點微酸，亦食到好香嘅柴魚味
[帆立貝壽司、北寄貝壽司]呈琥珀色嘅赤醋壽司飯酸度柔和，令帆立貝同北寄貝鮮味更加突出
[馬糞海膽 拖羅 三文魚籽 飯]海膽極-鮮-甜，我同朋友都唔捨得大啖食，師傅見我哋咁食反而建議我哋一啖過食哂海膽、拖羅同三文魚籽，話咁先可以一次食到三重口感。分開食又好，三樣一齊食又好，都係享受
[鮟鱇魚肝]入口軟滑甘香，亦都唔腥，絕對唔比法國鵝肝遜色
[鯖魚壽司]鯖魚有用鹽同醋醃過，食落好甘香，加上夾咗塊紫蘇，味道層次豐富
[魚湯烏冬]魚湯好濃好鮮甜，而烏冬亦十分彈牙
[柚子大根]爽脆清香，喺濃濃嘅魚湯之後食呢個好refreshing
[博多士多啤梨]用香甜嘅士多啤梨總結豐富嘅一餐
最後比大家睇埋其他嘢食
今次呢餐Omakase每位$1500，但食咗咁多款食物，而且服務一流，食物又新鮮時令高質素，所以其實都算係抵呀！下次可以再嚟
Post
