養生糊甜品專門店 (Closed)

以前嘅週末，一家人都會去北角嘅王記買起碼一次糖水。條龍雖然好長，但係老闆同埋老闆娘嘅記性超級好，好快就排到。王記關門之後，我哋一家都好掛住，諗點解咁好生意都關門。之前見到報章有睇見王記重開，一路心急上去試。今日終於開車去試，佢喺炮台山蜆殼街，嗰度嘅人流，同北角地鐵站出口無法比較。見返老闆老闆娘，聞到米香嘅糖水嗰刻個心好踏實。外賣返嚟，我哋買咗芝麻合桃，腐竹薏米，蛋白杏仁，一如既往咁好味。但係就冇咗我最愛嘅番薯糖水。希望老闆老闆娘身體健康，快啲喺人流暢旺嘅北角再起風雲。