圓圓小姐 (山東街) (Closed)

今日喺旺角行街行到攰，就同朋友買咗兩杯飲品。依間好似係新開嘅，鋪面裝修明亮，就吸引咗我去買。🥤黑糖波波可可鮮奶（熱）- $30啲珍珠都夠晒彈牙，鮮奶加埋可可真係冇得輸，真係滿足得到又鍾意甜啲、同煙煙銀銀口感嘅我。🧋戀戀草莓優格晶球 - $48見到佢鋪面都係以紅色色系去裝修，唔知佢嘅主打係唔係草莓呢，於是就叫咗一杯草莓果茶黎試，果然有驚喜！佢係用新鮮草莓加冰打成，飲落酸酸甜甜的，都幾解渴。個底底仲有啲yogurt 同晶球，本身依兩樣嘢都淡未，但加埋酸酸甜甜嘅草莓，即刻變咗草莓味，仲有多重口感添。