潮牛腩

Open Now

Now Closed

灣仔區都有好多麵店，位於謝斐道嘅潮牛腩亦係不錯嘅選擇。餐廳供應粉麵，飯類，淨食和小食等等。我同朋友叫咗兩碗麵和一個小食牛腩河牛腩一食就知係真正嘅騸牯牛腩，因為普通牛腩無論咩方法都係無可能做到咁嘅口感同味道。首先口感第一個感覺就係好淋，但仍然會有少少牛腩應該有嘅咬口，咁樣真係好好食，同埋係港底清湯腩嘅精粹。味道牛味濃郁而不騷，愈咬愈有味道出嚟。河粉偏向爽口，個人都好啱食。牛三寶幼麵牛三寶就有齊牛腩，牛脷同牛筋。特別要講嘅係牛脷，味道先天上係一定會比牛腩更濃，處理得好唔好就係睇口感，口感非常之軟滑唔癡牙，咸鮮味完全滲透哂係肉裡面，真係無得頂。豉油皇雞翼尖鐘意雞翼尖嘅朋友通常都醉翁之意不在酒，雞翼尖本身固然要皮爽肉軟之外，最重要嘅係個汁，要味道夠惹味同時要入到味。呢個豉油皇咸甜十分之平均，食到純粹嘅大豆醬油嘅味道。