撈喜 (Closed)

有時都想食好啲，例如食下鮑參翅肚😍 但係又唔想咁貴，有咩選擇呢？ 今日就去到筲箕灣大東街試吓「撈喜」～ 店舖唔算大，座位唔算好多，但簡潔舒服，食物選擇唔算好多，但都係名貴嘅鮑參翅肚😍 最驚喜係個價錢，非常平民化😵 $50 - 60就有交易！我哋叫咗一個「每週一特」，蒜香龍蝦闊條麵，仲有佢哋嘅招牌花膠撈～蒜香龍蝦闊條麵 $68賣相好正😍～ 半隻龍蝦有手掌咁大！絕對足料！龍蝦炸到好香口，我哋連殼都食埋🤣 好誇張🤣 龍蝦好鮮味，好好味呀😋 闊條麵味道都唔錯～ 招牌花膠撈 $68招牌菜式當然要試吓～ 果然名不虛傳👍🏻 真係好好味😋👍🏻 撈麵係粗麵，所以可以沾到好多汁😍 而且仲加咗蝦籽，令到整體更加鮮味👍🏻 個汁係鮑魚汁，非常非常好味！😋 花膠唔算好厚，但係都算幾大塊，好滑好有膠質～ 下面有冬菇同埋西蘭花，整體非常好味！絕對值得推介！👍🏻😋咁平嘅價錢可以食到咁正的食物，簡直係超值啦～ 兩個人加埋都唔使$140，真係好抵～ 大家一定要去試吓～ 👍🏻👍🏻👍🏻