Marion Crepes (Closed)

每次去日本都必定會到原宿竹下通既NOVA Cafe食Crepes，反而街中間既Marion Crepes就一次都無幫襯過。星期六一早起身諗住襯無咁多人入一田執下平貨，點知個情況原來係咁嚴重，基本上買唔到想買既野，唯有放棄上超市買下日本生果，點知恐佈程度同樓下不相伯仲。諗住今次都係失望而回，正當沮喪之際行過見到Marion Crepes好似在日本見過，即時成個醒哂。照舊食香蕉+雪糕+芝士蛋糕，好似係叫"香蕉XX總滙"($34)：個皮同日本食既Crepes一樣，有蛋香有咬口，香蕉有好濃烈既香味，雲糕同芝士蛋糕同日本既一樣咁好味，整體真係同日本食過既一模一樣，可一解條日本食癮。店面裝修跟足日本店一樣，採開放式設計，客人可望住製造過程。唯一美中不足係服務，收銀職員無留心聽清楚客人orde，要沖銷兩次單，亦無道歉；製Crepes那位小姐態度亦不敢恭維，我問佢係咪落錯雪糕時，佢無答我，只係俾返張飛叫我去收銀處處理，同收銀處職員完全零交流。好開心見到一間不論裝修、食物質素都跟足日本的甜品店，但若果服務質素都跟足日本的話，相信會更受歡迎。