阿媽靚湯 (Closed)

8-4-2010想食屋企飯, 自己屋企卻無煮飯 , 唯有出街搵住家飯食. 記得上次搭小巴路經呢間米線 / 湯水店, 幾有興趣, 收工後專程過嚟試試. 對幾款客飯興趣不大, 叫了「一品鮮湯飯」($36), 跟一碟麻辣豬肚絲 (屬「小食」, 加 $12).先嚟豬肚絲, 醬汁賣相好似好水汪汪, 但鹵水味十分香, 食落帶甜, 又有少少辣味, 豬肚絲就入味得很, 質地爽滑, 正! 再嚟「一品鮮湯飯」, 原來「湯」同「飯」係分開上, ie 一大碗湯 + 一碗白飯 , 湯內配料就有豬膶, 肉片, 魚腩及鯪魚滑, 仲有唐生菜, 娃娃菜及菠菜... 清湯底 (亦可選蕃茄薯仔湯) 少油, 飲落帶豬肉湯的味道, 清而味鮮, 亦果然無 MSG 痕跡, 不過又豬膶又肉片又魚腩, 都幾難唔鮮? 魚腩肉多骨亦多, 食落肉實清甜, 好食; 鯪魚滑亦好食, 食落軟滑新鮮, 蔥味剛好; 肉片難得幾有肉味, 食落就有點硬; 而豬膶就絕對係「湯渣」質素, 食落較粉較苦澀, 可以不試. 白飯份量亦勁大, 只放了一半落 d 湯度, 仍然食唔晒, 下次都係叫「少飯」好 d.埋單 50 蚊有找, 食物「阿媽」feel 味道