十常八九

Open Now

Now Closed

終於有機會試間Cafe啦，好耐之前經過次次都見到有條長龍，早前少少佢就轉左攞飛方法等我哋唔使排隊，差唔多有位嘅時候會打電話俾你返去。我知道呢間Cafe受歡迎所以安排咗平日佢一開門就去，但點知間Cafe未開門就已經有條隊啦。間Cafe其實都係啲得幾張枱所以即使我係佢未開門已經到咗都要等食第二輪。因為佢係限時嘅，所以預計一個鐘頭多少少就有位有得食啦。收到電話就即刻返去餐廳，今次叫咗兩個甜品啦都係佢嘅王牌啦，一個係蛋多士，另外一個係栗子雪山。兩個都係超級好味呀，個多士好軟熟筒蛋味好香，令一個栗子雪山就充滿咗好多栗子蓉，入面仲有凍冰冰嘅cream,底層就脆卜卜嘅蛋白餅，一個甜品由不同嘅口感，最重要嘅係佢唔係好甜，啱晒香港人胃口。我哋仲叫咗個桃味嘅茶，個茶配返餐廳個設計，完全係日式口味，唔講以為去咗日本。最值得讚嘅係佢個茶可以兩個人share，仲可以無限添加水，正。