板前割煮 (Closed)

銅鑼灣恆和鑽石大廈樓上日本食店眾多，要試真係有排試。除左以燒肉，壽司為號召嘅餐廳之外，其中有間同樣係板前割煮嘅食店第一時間引去我注意，呢間並唔係屬於果個名不乎實嘅板前集團，所以更加令我有興趣入去試一試～哈！門口只有簡單的一個木牌寫住はやし，未入去已有好似花之間果種傳統小店感覺。我一個被安排就座在壽司吧檯前，而在坐嘅五位食客全部都係日本人，心諗今次應該無選擇錯誤，絕對唔係港式吧...餐牌上全部都係日文，漢字都唔多隻，侍應又以為我為係日本人只係同我講日文，最後我用我有限嘅日文水平睇完餐牌，叫左呢份温泉蛋豚肉飯定食($130)。呢份定食除左豚肉飯本身同漬物外，仲有一碗熱辣辣嘅烏冬添....漬物種類驚喜度唔高，但見到日本師傅喺你面前細心地放到你面前，再報以一個友善嘅笑容，感覺即時加分。前菜生湯葉真係幾掂，每一塊食落口都有好清新嘅感覺，浸湯暖暖，菜亦夠鮮，好好味！而另一份前菜就係呢個薯仔沙律同樣有驚喜，旁邊一條條果啲係牛蒡絲，一硬一軟嘅口感配合得好好，呢個組合真係絕讚精彩～！温泉蛋豚肉飯送上時已聞到豚肉香味極濃，漲卜卜嘅溫泉蛋白裡透出誘人嘅蛋黃，未食已經流晒口水...烏冬不花巧，湯底清甜好味，烏