616牛肉火鍋專門店 (U PLACE) (Closed)

近排發現呢間《616 牛肉火鍋專門店》開咗好多分店，就連土瓜灣都有，一於約埋屋企人去試吓先☺️！鴛鴦酸菜牛骨湯～呢個鴛鴦湯底，牛骨湯👍🏻湯底清甜，完全係平日食的清湯腩嘅湯底，而酸菜湯就加入多種配料，味道越煲越惹味，十分過癮🥰！花雕醉雞卷～帶有濃郁的醉雞味道，用薄薄的肉片包裹而成，非常入味，做餐前小食的確不錯👍🏻👍🏻！點咗兩碟黑䐁都非常高質，口感鮮嫩多汁。黑豚梅花肉脂肪分布均勻，有豐富嘅油花，入口即化！而黑豚霜降肉則是在豬肉中最優質的部位之一，肉質鮮嫩，口感細膩，帶有濃郁的豬肉香氣！黑豚濃湯餃，外皮鬆鬆軟軟，一口咬下去，裡面就流出豐富的黑豚肉湯汁，有點似小籠包一樣的口感，記得小心燙口😋，先小小的咬一口，讓湯汁流出來，再慢慢品嘗！主角當然係牛肉啦！澳洲五花趾、牛頸脊、封門柳、安格斯橫隔肌等等．．選擇甚多，想要牛味濃郁或是肉質鮮嫩，呢到通通都齊👍🏻👍🏻！而今期餐廳主打日本嘅信州和牛系列，我哋都點咗一碟試試😌（信州和牛腹肉）濃郁的牛肉香氣，豐富嘅油花，入口即化，鐘意油香味重嘅朋友，應該會好鐘意😌！