老夫子港式餐廳 (Closed)

上星期日去咗九龍灣展貿同亞女參加數學比賽，比賽完咗都差唔多一點，梗係要去搵嘢食啦！我哋喺商場入邊見到一間餐廳有老夫子又有大番薯，原來呢度有間老夫子餐廳！我就知咩係老夫子，阿女梗係唔知啦，猛咁問我呢個阿伯係邊位，笑死我！我我哋叫咗煲仔飯同埋熱薑茶，個煲仔飯超正，我加錢要多條臘腸，除咗廟街煲仔飯之外，呢到嘅煲仔飯都算係幾地道，因為有飯焦，係真係用煲仔煲出嚟嘅煲仔飯！呢度除咗食煲仔飯之外，都有好多其他小炒同埋飯餐，鍾意老夫子嘅朋友一定要黎，你會不停同老夫子影相架😂😂😂