The hangout bar & cafe (Closed)

會黎呢到食，都係出於對bagel嘅愛。最愛口感煙韌的bagel，但呢到位置真係有點遠，附近亦冇咩行。門外已經放了不同口味的貝果，有八種口味選擇。店內的位置大部分係高枱，只有兩張梳化位。貝果有兩種口感選擇，可惜new york style的貝果要比多$10，真係比較貴。每個貝果會跟三個前菜，分別有沙拉、水果同車厘茄。✦Avo Chicken✦我揀左配new york style的everything bagel，餡好惹味，裡面的醬同芝士大加分，提升整體味道，啖啖雞肉，又唔會太乾，呢個大推。不過食的時候會有啲狼狽，因為個口冇咁大，哈哈。✦Brunchie✦呢個就不推了，soft bagel真係冇咩口感，好似普通包，重點係裡面的marmalade令成個貝果好甜，食住個甜蛋好怪好膩。如果唔係個醬，其實應該幾fresh的。