Video
Read full review
2016-02-23
271 views
韓國餐廰一向人氣旺盛，今晚Book左係深水埗既119韓國站，時值七點二十分，雖說是晚飯黃金時間，但是晚連場大雨，看到門口既人龍，就知何謂人氣，隊分兩條，Book左位同walk in客都要等，好彩等左十多分鐘已可安排入座，餐廳要走一小段樓梯，但上到去可以觀賞到如此型格既裝修同擺設，也不枉行，連座位也設計獨特，打開蓋子，是個可以放下個人物件的空桶。 一行三個人先叫左半份國民烤海鮮，一上枱已被顏色鮮豔既龍蝦吸引，大量海鮮佈滿係椰菜上， 再配有餐廳特製既韓式蒜蓉辣醬，唔使兩分鍾，經爐火煮滾，嘩，峰煙四起，有暖洋洋既感覺！ 龍蝦半隻，還有尢魚仔，帆立貝，生蠔，海鲜入口鮮味十足， 肉質厚實完全冇雪藏味，可見用料新鮮，食到最後既蔬菜粉絲，同甘筍絲索曬D鮮味同韓醬，令人回味無窮。跟住上既牛肉燉鍋，一樣溫度十足，牛肉夠淋滑，湯底帶有濃厚肉汁鮮味，同樣配有雜菜底，感覺完全唔油膩。 之後嚟既蘋果柚子特飲，跟頭頂上照明既燈泡相映成趣，清新既蘋果味配合梳打水， 唔會好甜，生津解渴。另一杯蘋果柚子啤酒，杯內有冰粒同果肉，杯面上那片如白雲狀既棉花糖，最是好看，捨不得把它搗下去，飲品唔只
一行三個人先叫左半份國民烤海鮮，一上枱已被顏色鮮豔既龍蝦吸引，大量海鮮佈滿係椰菜上， 再配有餐廳特製既韓式蒜蓉辣醬，唔使兩分鍾，經爐火煮滾，嘩，峰煙四起，有暖洋洋既感覺！
龍蝦半隻，還有尢魚仔，帆立貝，生蠔，海鲜入口鮮味十足， 肉質厚實完全冇雪藏味，可見用料新鮮，食到最後既蔬菜粉絲，同甘筍絲索曬D鮮味同韓醬，令人回味無窮。跟住上既牛肉燉鍋，一樣溫度十足，牛肉夠淋滑，湯底帶有濃厚肉汁鮮味，同樣配有雜菜底，感覺完全唔油膩。
之後嚟既蘋果柚子特飲，跟頭頂上照明既燈泡相映成趣，清新既蘋果味配合梳打水， 唔會好甜，生津解渴。另一杯蘋果柚子啤酒，杯內有冰粒同果肉，杯面上那片如白雲狀既棉花糖，最是好看，捨不得把它搗下去，飲品唔只好味，而且份量足夠二人飲用，棉花糖慢慢溶化，再下啤酒依然有甜味，值得一試。
最後來既招牌菜空軍芝士烤雞，一樣份量足夠，加熱後侍應前來整理，嘩，芝士動起來，食指大動，一眾芝士迷唔好錯過。
雞件雖然炸過，也保持嫰滑，食落口時雖然外皮變淋，但味道香濃， 連同半溶芝士食落口， 終於明白點解天氣寒冷時出面仲有咁多粉絲來朝聖！
仲有非常甜美既番薯粒、 配有洋蔥、 韓式年糕等配料， 成為一組非常清新既組合。呢餐真係吃得豐富又滿足，而且很超值。
Post
