張生記 (Closed)

週日約咗打早場，蕃薯uncle見人少少就提議散場後一齊去試佢剛發現嘅銅鑼灣新店「張生記」，全因被推廣緊嘅兩款買一送一優惠套餐所吸引。中菜廳嘅門面大方時尚，光亮嘅招牌下有個散發著江南風味嘅盆栽，甚有意思。據悉，餐店大多空間都改建成廂房，故用餐大堂嘅面積明顯比前身嘅「雪園飯店」細。堂內埋邊一排卡位最為闊落，其餘嘅三至八人圓枱都幾好坐，厚墊椅櫈亦十分舒適。大家請留意，由於大堂內最大張枱只能坐八個人，十人訂座就要入房，最低消費詳情會因應個別情況而定。餐桌上每個座位面前都有齊備嘅自用及公用餐具。轉盤上亦有別緻嘅木造紙巾盒同牙籤套裝。紅色嘅厚本餐牌內頁先以中、英、日，三種語言道出品牌嘅簡歷及理念。其餘七頁散點項貝都附有彩色插圖。尾頁則為飲品及雜項收費詳情，非常清晰。六人早已訂好兩款全日買一送一嘅「三潭印月宴」及「花港觀魚宴」，單售均$798/位，折扣後即$399/位。不過當晚有幾點好奇怪，就係店子頂多只有三成滿，樓面亦不乏服務生，餐飲卻遲遲未有得上，每道餸都要等上十多分鐘，加茶換碟更加要要求幾次先會有人有反應，最唔專業都要數職員大聲嘅說教及猥褻嘅對話，長輩們聽到都不禁默默搖頭。江南前菜兩味：套餐均