迦米泰式小食 (Moved) New Location

留意返餐廳入口係琴行街，惠康斜對面。食開舊鋪位係渣華道街市對面轉角位，新鋪位明顯光鮮同靚咗，少咗陣油煙味，不過店鋪內坐位畀以前少咗。全店好似得兩到三個泰國人開鋪，似係家族生意，呢種小店係逆境下更值得支持，想食正宗泰國菜唔駛坐船去到九龍城，何況佢仲要咁好食！坐低就有種去咗泰國嘅感覺，老闆娘笑面迎人，粵英泰三文三語難佢唔到，輕鬆落單，牆上仲貼滿嘢食相供參考。泰國菜點小得炒金邊粉Pad Thai, 夠乾身夠多料，好味道！老闆知香港人未必個個食得辣，佢就另上咗碟泰式辣醬，自己調味。跟返杯泰式奶茶，熟悉嘅橙色，又唔會死甜，保留茶味，正！最後推薦佢啲串燒，個醬先係重點，一定要試。