米走雞Live

Open Now

Now Closed

同老婆一齊去觀塘撐枱腳，無意中發現到呢間寶藏火鍋店，環境唔錯，座位闊落，好多款湯底同食材畀我哋揀。我同老婆都決定今日食清淡啲，就叫咗杞子花膠膠原鍋湯底。花膠膠原湯入口好滑，味道特別鮮，有淡淡嘅海水味，味道甜而不膩，滋陰養顏。我哋叫咗幾款海鮮嚟食，特別鍾意食佢哋嘅美國桶蠔，成碗都係好大隻嘅桶蠔，每一隻都好新鮮，洗得好乾淨，冇多餘嘅腥味，肉質肥美鮮味十足，值得一試。仲有花枝片，每片肉都好厚實，口感一流，柔軟Q彈，食落好滋味，味道豐富，有好好香嘅甜味，鹹香味十足，總之就係好食。唔可以錯過嘅仲有佢哋自家手打鮮製嘅Wasabi鮮墨丸，用新鮮嘅墨魚整成墨丸，口感Q彈有咬口，墨丸入面仲放咗wasabi，成粒墨魚丸食落有好濃烈嘅香辣味，令人一啖接一啖，停唔到口。高質素嘅食物水準，親切嘅服務，係一間值得回訪嘅餐廳。