Video
Read full review
2015-05-21
4427 views
IFC嘅五行我早就略有所聞，所知嘅係佢貴，位於IFC，屬一風堂旗下，亦因為呢個原因，我偏偏冇乜動力去試試佢。咁啱去開IFC，就去做下上等人，食碗上等拉麵。店舖門面堂皇，有吧枱，卡位，箱房選擇，餐廳樓底高，有別於一般拉麵館，空間感較大。店入面充滿住香蔥蒜嘅香氣，偶爾傳黎陣陣蝦香，令人流哂口水。雖然一心想食拉麵，但係睇完餐牌先知間餐廳唔至拉麵館咁簡單，酒水嘅種類比一般拉麵館多好多，有啤酒有cocktail，仲有雪泡啤酒添，枱上有beer pairing list 俾你參考，食拉麵食到配手工啤酒都係第一次見。小食種類都唔少，有串燒，炸和牛漢堡，刺身，燒和牛，味噌豚肉都有，睇到呢度我開始覺得花多眼亂，有好幾款嘢食都想試，不過今次主要係食拉麵，試一兩個小食就好啦。吉列和牛漢堡 -拎到黎聞到好香，免治和牛鮮嫩多汁，好有肉味之餘唔會實的的。個漢堡唔蘸汁都唔覺乾，但係用料可以再好啲，免治和牛裡面間唔鐘會有一兩粒碎骨軟骨，又有啲筋，分數大打折扣。串燒五點盛 -牛油果煙肉卷: 煙肉鹹香配中心軟綿嘅牛油果，牛油果粉絲必食。佐賀和牛串: 入口香濃，但係有啲筋。三文魚.魚子串: 賣相一流，但一般貨色，唔夠熱。半
店舖門面堂皇，有吧枱，卡位，箱房選擇，餐廳樓底高，有別於一般拉麵館，空間感較大。店入面充滿住香蔥蒜嘅香氣，偶爾傳黎陣陣蝦香，令人流哂口水。雖然一心想食拉麵，但係睇完餐牌先知間餐廳唔至拉麵館咁簡單，酒水嘅種類比一般拉麵館多好多，有啤酒有cocktail，仲有雪泡啤酒添，枱上有beer pairing list 俾你參考，食拉麵食到配手工啤酒都係第一次見。
雪泡啤酒 - 啤酒經過滑滑嘅雪泡送入口, 啖啖冰凍入心
$58
200 views
0 likes
0 comments
小食種類都唔少，有串燒，炸和牛漢堡，刺身，燒和牛，味噌豚肉都有，睇到呢度我開始覺得花多眼亂，有好幾款嘢食都想試，不過今次主要係食拉麵，試一兩個小食就好啦。吉列和牛漢堡 -
拎到黎聞到好香，免治和牛鮮嫩多汁，好有肉味之餘唔會實的的。個漢堡唔蘸汁都唔覺乾，但係用料可以再好啲，免治和牛裡面間唔鐘會有一兩粒碎骨軟骨，又有啲筋，分數大打折扣。
炸和牛漢堡
76 views
0 likes
0 comments
牛油果煙肉卷: 煙肉鹹香配中心軟綿嘅牛油果，牛油果粉絲必食。
佐賀和牛串: 入口香濃，但係有啲筋。
三文魚.魚子串: 賣相一流，但一般貨色，唔夠熱。
半熟蛋豚肉串: 冇咩好講
牛肉壽喜燒串: 呢個唔錯，仲有生蛋黃俾你蘸黎食，風味十足。
串燒五點盛(上至下): 牛油果煙肉卷, 佐賀和牛串, 三文魚.魚子串, 半熟蛋豚肉串, 壽喜燒牛肉串
$188
122 views
0 likes
0 comments
壽喜燒牛肉串
116 views
0 likes
0 comments
春日限定 清燉肉湯拉麵配和牛外腿肉 - 燉肉清湯非常清甜，清爽但係又好好肉味，和牛外腿肉好冧，一啲筋都冇，味道單純。燒蘑菇有焦香，為清淡嘅湯增點層次。麵條較薄，雖然湯咁清，但係都唔會淡，每一口麵都感受師傅做呢個湯嘅心血。至於响和牛肉上嘅芝士，用途似乎不大，唔覺佢對碗麵或和牛有咩幫助，仲有雙色蘆筍對我黎講只係點綴，係好食，都算甜，但係青白蘆筍各只得半條，超鬼鼠。由於清湯油少，保温力欠奉，麵食到一半就凍，凍咗就仲淡。麵食完後，剩下來仲可以做茶漬飯，加入青芥辣調味，再度享受肉湯精華。呢種淡麗嘅口味，响香港嘅日式拉麵確實少見，想轉個口味不妨試試。
清燉肉湯拉麵配和牛外腿肉
$168
63 views
0 likes
0 comments
五行焦香味噌拉麵 - 看上去風平浪靜，一層黑油泛光，响普通嘅賣相表面下，就係熱騰騰嘅拉麵同有爆發性嘅湯頭。我無誇張，老實講，佢啲配料冇咩特別，而且份量少，冇咩好提。但係佢湯真係不得了，聞落去燶燶地，飲落去有啲燶燶嘅豆味，再飲真啲似豆豉味，湯頭唔算厚，湯頭層次豐富，係大人概口味，油潤嘅程度未必為所有人接受，我卻認為係鬼才。正因為佢層次多，試咗幾啖都好似未試清佢完全嘅味道，要你一試再試。焦香油密密耐住熱力，食到最後仲熱辣辣。雖然佢咁好味，但個湯堅油，飲哂可能傷身。
五行焦香味噌拉麵
$128
72 views
0 likes
0 comments
整體感覺可以講係刮目相看，意想不到。佢嘅拉麵價錢高，性價比唔高，但勝在獨特，有創意，佢嘅味道响第二度食唔到，估唔到一風堂都偶有佳作。
Post
