Video
Read full review
2025-02-06
213 views
今日喺尖沙咀食咗一間新派嘅創意omakase，性價比幾高，dinner Menu都係$1388，有兩份前菜， 4份量子料理，有天婦羅海膽拿破崙，10件壽司，蒸蛋，湯同甜品，全部都係因應季節最新鮮嘅嘢提供！鱈魚白子好食，鰻魚苗錫喔第一次食嘅，真係好特別，加埋d醋真係好有新鮮感！螢光魷魚同松葉蟹嘅茶碗蒸，呢個絕對係要in season先好食，螢光魷魚好creamy，絕對冇出邊街一般食到嘅超鹹，反而帶出左蛋本身嘅蛋香味，加埋松葉蟹淡淡嘅清甜味，真係好正！蠔配上蘋果jelly而唔係平常常見嘅yuzu jelly，令成個味道更加清新，連平時唔太好蟓嘅我食完都不斷點頭。北海道牡丹蝦配上炸蝦頭同超濃嘅蝦膏，食得出好新鮮，好好味！醬油漬鮟鱇魚肝赤鯥係白魚中最肥嘅，加埋有toro，本來已經超期待，食落的確好肥美好好食，但原來最出色反而係最底嘅洋蔥漬！酸酸地好開胃，而且可以有清palette嘅作用，呢個真心出色！天婦羅海膽拿破崙一定係當晚嘅highlight，有齊視覺嘅美觀藝術配合，食得好開心，呢個我就唔講太多，大家自己去體會下啦！好有驚喜！Sushi我覺得最出色就係北海道帶子同野生甜蝦，d手卷其實都好好
鱈魚白子好食，鰻魚苗錫喔第一次食嘅，真係好特別，加埋d醋真係好有新鮮感！
螢光魷魚同松葉蟹嘅茶碗蒸，呢個絕對係要in season先好食，螢光魷魚好creamy，絕對冇出邊街一般食到嘅超鹹，反而帶出左蛋本身嘅蛋香味，加埋松葉蟹淡淡嘅清甜味，真係好正！
蠔配上蘋果jelly而唔係平常常見嘅yuzu jelly，令成個味道更加清新，連平時唔太好蟓嘅我食完都不斷點頭。
北海道牡丹蝦配上炸蝦頭同超濃嘅蝦膏，食得出好新鮮，好好味！
醬油漬鮟鱇魚肝
赤鯥係白魚中最肥嘅，加埋有toro，本來已經超期待，食落的確好肥美好好食，但原來最出色反而係最底嘅洋蔥漬！酸酸地好開胃，而且可以有清palette嘅作用，呢個真心出色！
天婦羅海膽拿破崙一定係當晚嘅highlight，有齊視覺嘅美觀藝術配合，食得好開心，呢個我就唔講太多，大家自己去體會下啦！好有驚喜！
Sushi我覺得最出色就係北海道帶子同野生甜蝦，d手卷其實都好好味，主要就係d紫菜夠脆！
自家製miso soup都係超有儀式感，味道比較清淡，呢樣我超級欣賞，始終都係差不多結尾，鍾意d比較light嘅味道。
後來聽師傅講，呢到係全港唯一一間擁有櫻花雪景嘅主題餐廳，夠8人就可以包場，客人又可訂制菜單，並享用沉浸式場景加埋演唱會音響卡拉OK服務，如果公司gathering都真係好適合！
Post
