街坊Cafe (Closed)

今次就去左間感覺幾地道既Cafe，餐廳位於旺角通菜街（近女人街）兩旁的地鋪，餐廳有融合到香港地道風味x西式既新派菜餐廳環境整潔，周邊也有不同的裝飾和擺設；餐廳有多張二至四人枱，也設有梳化位。餐牌上的選擇有好多，有湯、全日早餐、鐵板烤扒、意粉/意大利飯、拉麵/稻庭烏冬、皇牌沙河粉、小食等；甜品有港式雞蛋仔、法式西多士同德國班戟，相片望落都吸引，散叫餐牌價錢算是大眾化我同朋友都係點了佢地既晚餐鐵板烤扒套餐-烤西班牙黑毛豬配松露汁烙上網紋的黑毛豬，伴菜有味道不錯的薯格、烤茄子和車厘茄。講返黑毛豬，質素比想像的來得好，雖然塊黑毛豬扒一百蚊都唔使，但係你會食到帶爽既肉質，仲有烤過的微焦香，咀嚼中也嚐到肉香。喜歡的更可以蘸上松露汁，黑松露味道不算太明顯，所以不用擔心會擔了味道。佢d side dish 都好好味😍最後仲叫左杯朱古力，濃濃既朱古力味！正呀小店黎講都算CP值好高，下次再黎試其他先😍