街坊Cafe (Closed)

最近聽聞又有良心餐廳面臨倒閉，立刻把同事都抓過來略盡微力，支持一下。午餐時段也有超多選擇，而且出未身分證更馬上八折，簡直超值去食到極豐富午餐。我們選了石燒系列，我選了美國prime 西冷牛扒，包餐湯及餐飲，加一後才六十元。充滿動感的牛扒，因為實在急不及待要進食，照片也未拍好就開動。牛扒相當有厚道，把它切成一小塊可自由控制成熟度。筋位不多，吃掉整塊也沒有遇到過韌的部位。肉味香濃，石燒效過相當不錯，能夠午餐時段能夠吃得那麼豐盛，十分滿足。同事點的雞扒大得跌出石板，下次可以再試。

個日anniversary 食呢間午餐，食物來講係ok既，就⋯⋯旺角質素，環境都好旺角、好個條街既食店裝潢，無乜特別，都明既⋯⋯加上，本住去「懲罰佢」，所以無好多要求或特別想食咩。佢既menu乜都有咁濟，日式、港式、西式等等炒埋一碟。如果要講個theme，唔係好get到，但佢改到個名係「街坊」咁只能講真係好街坊既menu（貼題既👍🏻）。不過，可能女仔來講，都想要多小小氣氛😆始終係anniversary

食肉獸再次出動傳聞即將結業，要食就快拉！呢塊美國prime 牛扒都幾正，大大塊，肉又夠厚肉質唔會好靭，食落都重牛味燒到5-6成熟，口感就岩岩好舊熱石溫度真係好高，燒左十幾分鐘都仲散發緊熱力燒到甘上下就落番調味粉，枱上有提供有鹽同黑椒自己鍾意落幾多就幾多不過真心，有落好食好多，食落味道更加豐富-小編想讚一讚個龍蝦湯，夠曬濃郁直頭可以食到小小既蝦膏味，小小腥同咸咸地既海鮮味哈哈！同麥當勞既味精龍蝦湯差好遠！

旺角通菜街兩旁勁多隱世美食，但依間黃店cafe 3月就執笠啦！餐廳除咗有意粉飯Main dish，仲有semi buffet 揀，但小編試完嘅心得係老實講食物質素普通但價錢唔算平，如果要黎依度幫襯支持建議揀buffet!⭐️都幾多人下記得一定要book位！⭐️出示香港身分證可享8折，醫療人員工作證/記者證可享7折💛黃店認證：6.12、8.5罷工；店面好大個連儂牆；只招呼香港居民和中國以外遊客👓是日餐湯 +$8雜菜湯，但味道比較似中式湯偏清淡不是忌廉底，有少許肉碎椰菜，味道不太咸，但覺得不用特別加錢飲 🤣👓忌廉三文魚蟹子意粉 $88好大碟份量好大好多麵，忌廉汁唔算好creamy好漏，三文魚有落足料，但配料只得洋蔥和三色椒。味道唔錯不過如果以呢個質素嘅話價錢有少許貴。評分：6.5/10👓明太子鮮蝦意粉 $108醬汁都有明太子味，幾香濃，明太子份量都多，有蝦粒和同樣三色椒。一樣味道唔錯不過價錢少貴唔太值。評分：7/10👓龍蝦汁海鮮天使麵 $109份量同樣大碟。海鮮普通，有三隻蜆和一隻青口。用咗天使麵所以如果唔鍾意食幼身麵嘅朋友就要留意啦。成個麵係OK好食嘅不過呢個價錢有少許貴🤣評分：6.5/10

今次真係告急呢，上網見到佢告急！！！我都急埋一份，今次去開旺角，就同朋友去左呢間街坊cafe到食飯，見到餐廳價位唔高，正價都係6,70蚊左右，點知去到最後一頁仲有香港人優惠，全單打8折。石燒牛既質素唔錯，如果各位唔想太熟既話，一上台切開佢就要夾起佢啦，咁樣既肉質一定係最滑溜既😚 一路食飯都見到好多手足一路入黎幫襯都真係好感動，但同時都要繼續幫襯其他既黃店支持佢地💪🏻

由於餐廳營業出現困難，宣佈告急，我同朋友決定黎幫襯一下，試試好唔好味。我就無試下佢既鐵板放題，隔離有食客都係食燒肉放題，可任飲飲品，同埋出面有自助區（衞生是ok的 有蓋蓋着食物，亦有火在下面加熱）。我聞到燒肉係幾香，望落賣相亦不錯。我自己呢，就係食雞肉意大利飯，份量適中。味道就有少少失望，成個飯都比較淡... 雞肉就似白烚... 咁其實都放得入口既，不要有期望就好了。haha給論就係，我諗人地燒肉放題會好味10倍。另外，假如餐廳捱得住，希望佢可以改善一下食物質素，否則我驚佢又再次告急。☹️

因為業主加租做到3月咋🤧附近嘅朋友去支持下吧！！🔹澳洲M6黑毛和牛牛肩扒 $158🔸日式鰻魚炒飯 $199晚市有75分鐘日式石燒自助放題，又係有多款唔同價位嘅牛肉畀你揀一客，其他湯呀沙律呀串燒，意粉意飯飲品甜品都係任食嘅！我地趕時間就冇食放題，嗌咗個牛同鰻魚炒飯牛扒好厚切，咬落每啖肉都係厚而不韌，切完好快啲夾返上黎，塊石又係超高溫，放多陣都會變well done牛扒😂 鰻魚炒飯係我突然間想食，粒粒飯都炒到均勻上色，加咗彩椒口感又唔同啲！鰻魚係勁多，食食下變到凈返啲鰻魚係度，反而掃晒啲飯先，好味🤪餐湯～南瓜湯好耐之前我同同一個朋友黎食過一次，但我地兩個都發現餐牌唔同咗了，以前係真係食西餐cafe野，依家變咗日式啲，好食咗！ps 因為武漢肺災唔接待高危人士，而香港人醫護記者就有折，嗚！希望搵到鋪重開啦～✄──────────────────✄街坊Cafe旺角通菜街1號威達商業大厦地下1E,F& H號舖

得知業主加租 呢間cafe將要結業所以立即約朋友去食入面裝修好靚好有香港既style 職員話有通關密語 有8折好抵食朋友叫左日本a3黑毛和牛牛小排 $148牛小排得100g 睇落去得好小少但係跟一碗白飯 所以其實都好飽朋友可以煮得太熟 所以咬口唔係咁好之後另一位有朋友叫左美國安格斯西冷牛扒 $138有湯飲既 呢個係200g睇 好厚呢隻朋友話好食過牛小排 好軟身口感幾好最後係明太子鮮蝦意粉 $108好食 而且份量唔算太少蝦都唔會話得一兩隻少整體都唔錯最後野飲方面soft drink就另加12蚊有得揀百事 芬達 檸檬茶 同埋唔記得左乜野都幾大杯 飲完成個人超飽甜品就無架啦所以唔洗沖住甜品去食希望下次可以係另一間鋪見返你啦😭

如果你把這間餐廳的石燒自助放題當作是高級餐廳的半自助餐，也許你會有點失望；但看餐牌跟價錢，我估計它是一般的扒餐，只是配餐的餐湯、飯、意粉或薯菜是按食量隨意自取。有了這種想法，看到它的自取食物區，就有點喜出望外。自取食物區有餐湯、沙律、幾款肉類食物如雞翼、自助串燒，還有炸物如炸帶子、炸生蠔、炸薯餅等，意粉和飯都不是普通的淨意粉和白米飯，而是有配料的白汁肉絲意粉和蕃茄意大利飯。意大利飯雖然做得一般，但比起白米飯有誠意得多了。意粉則非常好味，值得一讚。主菜只有一款是豬扒，其餘都是牛扒，我不喜歡牛扒，於是選了黑毛豬扒，豬扒比較厚而慢熟，上菜時仍未夠熟，要靠石板慢慢讓它煎熟，味道不錯，比起鐵板另有一番風味。自助放題還包括任飲汽水和雪糕甜品，可惜飲品只有汽水，沒有如檸檬茶奶茶之類飲品，雪糕在冰櫃裏非常之硬，很難舀出來，不過只是一般的雪糕，我們只是隨便舀了一些當作是吃過甜品便算了。總括來說這個價錢是一般扒餐的價錢，但配菜、湯和甜品可以任取任食，都算抵食。

本身另有節目，但朋友突然屋企有事，就約咗另一個朋友食飯再睇show😆😆時間趕急，見到呢間旺角嘅cafe仲可以喺openrice book位就即刻book。（好方便！！）本身見簡介寫係cafe同埋allday breakfast，以為都係cafe類食物，點知去到發現夜晚係食扒😆有得揀75分鐘放題任食，或者單點，時間關係我地揀咗單點，叫左一個黑毛豬，一個牛肩扒。我覺得menu幾好係講得清楚塊扒係幾多g，感覺均真！石燒板上，啲肉咋咋聲～可以自己再加粉紅岩鹽/黑胡椒，我覺得兩份都味道okay，不過牛好快熟，要keep住留意，而且套餐配埋湯+飯，其實係好夠同好飽！有機會再嚟！希望下次食到all day😆🤣

星期日經過見到外牆特別！而且石燒牛扒午餐都只不過係$70樓下，所以就試一試！一入到去就聞到一陣陣燒牛味，令你食慾大增！大佬叫咗個石燒牛肩肉午餐，牛肩肉2舊用熱石板上，上時牛肉面已經燒好，裡面仲係生嘅，所以生熟程度可以自己一手一腳決定。肉味都算香濃，跟白飯一個，冇任何醬汁提供，感覺比較dry，不過肉質就夠juicy 搭夠。跟餐仲有是日餐湯-南瓜湯，本身我同大佬都唔好南瓜類食品，見餐牌話可以加錢轉龍蝦湯，可惜當日冇供應。飲落一般都滑，冇渣同完全冇加cream 或奶類落湯，可能喜歡南瓜嘅朋友會喜歡啩！份量方面對於女士嚟講應該都適中，但係男士嘅話就一定唔足夠，大佬都話好似冇食過嘢落肚。我就叫咗一個豬頸肉叻沙，只有米線，唔同一般係米粉混油麵，而且嚟到時啲米線好硬，相信唔太熟，有啲失望，反而豬頸肉有驚喜，大大舊都有成4件，件件都好厚，口感爽口十足，面有煎過嘅味道。配菜有一貫嘅芽菜、豆卜，仲有油菜同蟹柳2條，湯味道似沙嗲湯多過叻沙，勝在夠濃。份量都係嗰句，女士係啱啱好。跟午餐當然有餐茶，一般貨式。服務都算唔錯，感覺良好。坐位都算唔太密集。通風都可以嘅，食完都係會有油煙味跟住你。

之前都食過街坊cafe，覺得佢個牛排超好味又抵食，今次經過見到佢有埋日式石燒放題，75分鐘任食，梗係要試下。manu度都見到淨係牛排都有好多種選擇，最平有美國牛排，之後有牛肩排，西冷排，肉眼排，黑毛和牛，黑先6和牛牛小排，最順順3係A5和牛肉眼。咁係街坊，就揀左個貼地d既價錢，同朋友分別要左個西冷同安格斯肉眼排。牛排同我上一次黎食既水準一樣keep得好好，用石板燒熱辣辣送上，慢慢燙熟，我中意加熱至五成熟都一樣好ok，d肉汁亦岩岩好鎖係肉裡面，輕輕切d血水微微沁出黎，最開心係我個西冷排超厚切，肉味好香濃，超大愛呀!!食食下又可幾試下自助吧，有串燒，沙律，炸物，小菜，意大利飯同意粉，仲有飲品同雪糕都係任飲任食，味道唔差，但意大利飯同意粉放左一段時間唔多人出去攞，味道有點欠佳。總體黎講係抵食。

為左要俾差評竟然要寫二百字白痴不過今次一定寫到去到職員話一定要係openrice訂枱先有折，只有main menu先有折，望一望得幾樣野仲要意粉同飯其實係同樣嘅餸分開寫當選擇多。試下好唔好食所以都坐低。坐低再問下關於自助餐，到點野食食埋埋單，個職員先話人均唔夠100冇折。啲野垃圾到飯同意粉都落雪藏雜豆我都係見過第一次，雞肉仲要雪到無味服左佢呢個價錢俾啲噤嘅野客人食我問佢點解我問左你職員噤多次野到落單都冇講過要100，你講左咪叫貴啲嘅餐囉，宜家野都食哂噤點丫，佢都好堅持唔俾折，真係好嬲，呢間野真係冇下次

見呢間野幾特別，舊肉放左係熱石上面可以選擇自己燒到幾成熟就幾成熟，咁得意就想去試下。佢地有個日式石燒自助放題，一份扒(扒唔係任食)加出面嘅自助bar。自助bar有串燒，甜品，飲品，沙律，意大利飯，意大利麵，餐湯。見到佢地任食一啲都唔吸引所以我地就無要到放題，只係叫扒。我地叫左個美國牛肩扒同黑安格斯肉眼。其實個肉無咩特別，只係份量少得可憐。我地食完都未飽，後尾仲要再去另一度食😓😓其實如果真係要食飽咁就真係要叫埋個放題，不過我未必會比咁嘅$去食。同埋店內環境唔大。枱與枱之間無乜空間，坐裡面果個出入可能有少少難度。

只有飯 意粉 西湯 芝士焗西蘭花 燴菜串燒 炸鍋 甜品三款蛋糕 雀巢雪糕紙包飲品就係咁多本人上前詢問其他網上面提到的如漢堡包 青口等食物為何不見 店員指那是舊餐牌所以真的只上面提到的幾款絕對不值一試