Video
Read full review
2021-12-10
304 views
今次又係朋友介紹，話說係美孚工作咁耐，都唔知道饒宗頤有間西餐廳。其實離港鐵唔遠，5分鐘左右腳程就到文化館，再搭𨋢上去，行兩步就見到餐廳，旁邊仲咁啱有人行禮。4個人叫咗好多野食，上正餐前又有餐包送，無影到相，不過係熱嘅蕃茄法包，好好食！十分驚喜，我願意俾錢買幾條返屋企（當然無）。湯：泥蟹湯味道：食得出海鮮風味，甜而有些許蟹嘅海鮮味（正常嘅，非腥臭）前菜1：海膽燉蛋味道：老實講呢個還好，我個人好怕腥味，而燉蛋入面有海膽醬汁，係有啲腥。佢係甜甜地嘅，但肯定唔係鮮。前菜2：牛骨髓配阿根廷醬味道：牛骨髓香！阿根廷醬望落好多草咁，但唔草青味！減少咗骨髓個浸油膩感！配搭脆包一流！主菜1：焗羊架配羊腸味道：羊架係寶雲酥整法，外脆內唔算嫩，切起上嚟因為有筋膜，所以有啲費勁（餐廳應該幫人切埋就最好）。羊架味道一般，但估唔到黑馬竟然係羊腸！羊腸小小兩條放係一邊唔起眼，但食入口有好大浸羊味！超正嘅中東風味！！我願意俾錢買幾條返屋企（當然又無）。主菜2：紅蝦意粉（個名太長但差不多係咁）味道：呢個紅蝦十分棧鬼，原來個底個塊紅色野就係紅蝦本體！但係腥！老實講個浸腥味大，撈埋意粉同醬汁都無法掩蓋。但創意滿分！主菜3：
都唔知道饒宗頤有間西餐廳。
其實離港鐵唔遠，5分鐘左右腳程就到文化館，
再搭𨋢上去，行兩步就見到餐廳，旁邊仲咁啱有人行禮。
4個人叫咗好多野食，上正餐前又有餐包送，無影到相，不過係熱嘅蕃茄法包，好好食！十分驚喜，我願意俾錢買幾條返屋企（當然無）。
湯：泥蟹湯
味道：食得出海鮮風味，甜而有些許蟹嘅海鮮味（正常嘅，非腥臭）
泥蟹湯
28 views
0 likes
0 comments
前菜1：海膽燉蛋
味道：老實講呢個還好，我個人好怕腥味，而燉蛋入面有海膽醬汁，係有啲腥。佢係甜甜地嘅，但肯定唔係鮮。
海膽燉蛋
29 views
0 likes
0 comments
前菜2：牛骨髓配阿根廷醬
味道：牛骨髓香！阿根廷醬望落好多草咁，但唔草青味！減少咗骨髓個浸油膩感！配搭脆包一流！
26 views
0 likes
0 comments
主菜1：焗羊架配羊腸
味道：羊架係寶雲酥整法，外脆內唔算嫩，切起上嚟因為有筋膜，所以有啲費勁（餐廳應該幫人切埋就最好）。羊架味道一般，但估唔到黑馬竟然係羊腸！
羊腸小小兩條放係一邊唔起眼，但食入口有好大浸羊味！超正嘅中東風味！！我願意俾錢買幾條返屋企（當然又無）。
20 views
0 likes
0 comments
主菜2：紅蝦意粉（個名太長但差不多係咁）
味道：呢個紅蝦十分棧鬼，原來個底個塊紅色野就係紅蝦本體！但係腥！老實講個浸腥味大，撈埋意粉同醬汁都無法掩蓋。但創意滿分！
14 views
0 likes
0 comments
主菜3：牛排
味道：牛部位唔記得，但有𡁻口嘅，無點太多醬汁，就咁配鹽都好出色。
11 views
0 likes
0 comments
甜品1：apple pudding
出色！！！熱辣辣配雪糕，上面仲有蘋果金寶，法官大人我無野好講。
18 views
0 likes
0 comments
甜品2: tiramisu
普通，比起apple pudding 失色，配跑。
10 views
0 likes
0 comments
最後呼籲飲酒唔好揀rose vine, 好難飲。
Post
