Video
Read full review
2021-04-27
79 views
去完南豐紗廠，因為架車泊係荃灣廣場，就係附近食餐飯。荃灣廣場對面呢間日本野，男朋友話有幾間分店，睇樣OK就試下佢。餐廳唔大，應該得20個位，今次就坐吧台，睇住廚師整壽司，整灸燒個時真心香😌由於太餓，都叫左好多野。🥢日本真蠔 $58一隻有塊黑板寫住當日有咩新鮮推薦，蠔痴既我地揀左真蠔。睇相都見到大大隻又飽滿，夾埋蘿蔔蓉、柚子醋汁同蔥，一擺入口就雙眼發光，好想encore !!!🥢明太子雞翼 $42炸得好脆，但明太子同我預期有出入，中間個餡料有啲似丸類既質地，實實地。🥢火炙魚生丼 $158有燒嘅海膽、鰈魚、三文魚、帶子、蟹柳，都幾足料，欣賞佢個醋飯，質地做得好好，調味適中。🥢特上三色丼 $178望唔望到佢pat海膽！海膽鮮甜，mix埋三文魚籽同吞拿魚蓉食，只可以話「大滿足」！🥢牛油果鰻魚反卷 $68一客四件。味道ok，不過我地鐘意熟少少既牛油果，食落融融地仲正。同埋放係壽司面，夾時好易跌牛油果😂😂😂😂🥢辣酒煮廣島蠔 $78諗返起，酒味咁古惑，試佢唔出。一碗有7-8隻蠔，湯底帶味噌味，辣度相當輕微，我爭住食浸到入曬味既蘿蔔。如果冬天，飲住呢個熱辣辣嘅湯，應該超正！🥢蟹肉蟹羔壽司 $20🥢赤蝦
餐廳唔大，應該得20個位，今次就坐吧台，睇住廚師整壽司，整灸燒個時真心香😌由於太餓，都叫左好多野。
🥢日本真蠔 $58一隻
有塊黑板寫住當日有咩新鮮推薦，蠔痴既我地揀左真蠔。睇相都見到大大隻又飽滿，夾埋蘿蔔蓉、柚子醋汁同蔥，一擺入口就雙眼發光，好想encore !!!
🥢明太子雞翼 $42
炸得好脆，但明太子同我預期有出入，中間個餡料有啲似丸類既質地，實實地。
🥢火炙魚生丼 $158
有燒嘅海膽、鰈魚、三文魚、帶子、蟹柳，都幾足料，欣賞佢個醋飯，質地做得好好，調味適中。
🥢特上三色丼 $178
望唔望到佢pat海膽！海膽鮮甜，mix埋三文魚籽同吞拿魚蓉食，只可以話「大滿足」！
🥢牛油果鰻魚反卷 $68一客四件。味道ok，不過我地鐘意熟少少既牛油果，食落融融地仲正。同埋放係壽司面，夾時好易跌牛油果😂😂😂😂
🥢辣酒煮廣島蠔 $78
諗返起，酒味咁古惑，試佢唔出。一碗有7-8隻蠔，湯底帶味噌味，辣度相當輕微，我爭住食浸到入曬味既蘿蔔。如果冬天，飲住呢個熱辣辣嘅湯，應該超正！
🥢蟹肉蟹羔壽司 $20
🥢赤蝦壽司 $24
🥢油甘魚壽司 $18
為食想試埋壽司，留意返以上係單件價錢，可以一件件揀。蟹肉蟹羔勁夾，唔洗多講。赤蝦同油甘魚都好夠新鮮。飽到傻都要食😂
🍽總結
水準比一般連鎖日本野好，食材食得出新鮮，真蠔必食！埋單走時先發現好似係🟡，加分😌。
Post
