讚記廚房 (Closed)

今日去開西環搵個朋友，聽講有間茶記又平又抵食又好食，所以下午茶時間去咗試下。見佢平平哋都冇乜太大期望，但當我切開塊西多士個一刻，我徹底改觀晒，幅相完全冇誇張，牛油加埋煉奶再加埋朱古力夾心果種罪惡感，冇嘢比呢個組合更邪惡，食落去完全不會同坊間出名嘅西多士比下去。公仔麵就正正常常，麵質爽口，唔會食落去林晒，而豬扒同煎蛋都有水準，豬扒都入味，值得回頭再試。