真秘鍋 (Closed)

今朝喺旺角見客，順利完成大project ，班同事話要食個好正嘅 lunch 賀一賀 。見到呢間新開嘅［真. 秘鍋］，決定感受下係咪正到秘😂。侍應簡單介紹菜單，我地3個人就決定叫🦀［蟹皇龍蝦鍋麵］🦀。鍋麵一上枱我地已經嘩嘩聲😂，因見到蟹皇分量十足之外，仲有原隻即撈新鮮龍蝦，雖然只係每人分享一舊肉，但都己經覺得好鮮味，又彈牙！超濃嘅龍蝦湯底配埋水晶QQ粉，啲粉吸收龍蝦湯精華，非常好味，QQ 粉又有口感，一試難忘😍。仲要呢個係午市限定，鍋麵係二至四人份量，包埋加一同茶芥，都只係$338！！ 我地仲叫咗🐟鮮魚刺身🐟，師傅切到好薄，擺盤連埋魚頭，排到好靚，冇腥味，少少彈牙，食得出好新鮮😋。呢度啲位都好闊落，坐得好舒服；我地一飲完杯茶，侍應都好快又主動幫我地加茶，好細心☺️，我地喺度食到飽飽，好好休息之後就準備下一個大project 😂。