Supabowl (Closed)

我d friends不嬲都話我偽健康，因為我好鍾意食健康野食，但又好鍾意食零食喎👉🏼👈🏼 balance翻嘛🤭😝 但今次我係Supabowl食呢個Acai bowl係真•健康架!😤 order左個Cocobowl，好真材實料咁用椰子殼裝住🥥，d色睇落去好colorful啊，開胃又好吸精，啱唒打卡添🤪📸 托底嘅係巴西莓加椰子水，生果主角係雜莓(有士多啤梨同藍莓)加香蕉，上面灑上紫薯脆脆、椰子片同脆麥片，再落少少chia seed，好有豐富嘅纖維啊🤤🤤🤤 逐樣逐樣講先，底層嘅巴西莓係無加額外其他嘢blend嘅，店主驚本身嘅酸味可能唔係個個人都接受到，所以擺埋椰青水，令到清甜嘅椰青味沖淡少少berries嘅酸味，有主有次，口感又好細綿，好味!👅 咁本身生果嚟講，香蕉又係superfood，飽肚又有豐富嘅膳食纖維，加上雜莓有養顏養眼，好食又健康飽肚，仲抗衰老添，超推薦啊🤩🤩 d椰子仲可以喺最尾度刮落嚟食添啊，完全無晒料🤤🥥🥥 唯一唔好嘅就係店面頗細，可能租金都幾貴啦，得好少張凳係入面，個日都幾多人，我就拎岀嚟食算嚕☺