空海 (Closed)

呢間小店位置並不好找，係條橫街入面。不過門面好搶眼，留意一下就會見到。因為門口好大隻松葉蟹。一進門先知原來得八個位，仲要係一張大枱搭枱。好有日本啲小店feel。我地點左兩個餐share。前菜有魚干條、芝麻豆腐同松葉蟹湯。芝麻豆腐好濃好多芝麻醬。魚干條好特別，甜甜地咸咸地，不過點沙律醬又係濃味左啲。最正係個麵豉湯，有松葉蟹肉同蟹鉗！真係估佢唔到。個湯其實就只係麵豉湯，咸味蓋過左蟹肉既鮮甜。白桃同葡萄梳打，白桃偏甜。梳打配海鮮好似怪怪地。第一次食松葉蟹刺身，平時都係熟左既肉。原來生蟹肉係軟綿綿既口感，而且好有鮮甜味同海水既咸味呀！甲羅燒呢度既料非常足，好大一個。入面好多蟹膏蟹肉。不過調味偏咸，而且燒得太過火了。個底會有啲燒焦味。但都無阻我對甲羅燒既喜愛，食到好乾淨！我既三色飯，好特別呀！係三個小碗，小飯多料。蟹肉飯最淡味。不過好多蟹肉，我要將佢搬到另一隻碗先食到下面啲飯。三文魚籽海水味濃，和著飯吃好夾好易下飯。海膽飯係我最愛，好多好多海膽！真係大滿足！海膽鮮甜，完全唔需要落醬油。友人既刺身飯都好吸引。用料差不多，就係無佢唔食既三文魚籽。最後一味和牛粒。五成熟，好嫩口！食完仲有甜品呀！話說小