Sugar Lava (Closed)

店入面嘅地方唔係好大，但都可以容納到幾個人，可以揀堂食或者外賣。3個店員都好nice。聽說有店員係日本學過點樣整梳乎厘， 返黎教其他店員，所以個個店員都整得好專業。 更加聽說平日嘅下晝同埋放工之後好多人大排長龍。 梗係啦!因為個梳乎厘係即叫即做㗎! 要等15至20分鐘先有得食。 而且嗰啲步驟都好繁複，估唔到看似簡單嘅梳乎厘，原來有咁多嘅工序。 而且感受到店員嗰份認真同埋用心嘅態度去製作梳乎厘。分別試咗兩款梳乎厘，一款係新口味嘅日本薄荷朱古力梳乎厘, 另一款就揀日式原味梳乎厘班戟。 左邊係朱古力味，右邊係薄荷味， 上面藍色嗰啲就係薄荷醬，加咗一啲oreo嘅曲奇餅同埋薄荷朱古力。 兩款都好有空氣感，一啲都唔甜，成個味道都好夾，連唔鍾意食甜品的老公都冇停過手，好快就食曬啦! 呢款比較似芝士蛋糕，有好香嘅蛋味， 而且啲士多啤梨醬好香，店員仲同我哋講，如果唔夠醬可以再加。 忌廉好滑， 一啲都唔羶。下次再試下其他味道先。