番本日式放題 (Closed)

今日放咗工同朋友去咗旺角女人街行街，行左一陣嘅時候，朋友無啦啦發現咗一個放題餐牌易拉架，佢雙眼發光咁同我講不如今晚就喺呢度食，佢好似餓鬼上身咁，我拉都拉佢唔住，咁唯有就試吓女人街食廈入邊呢間餐廳既質素啦呢棟Deli 2原來都有好多餐廳，有中式啦韓式咁，今次就試咗呢一間築地番本日式放題，星期四七點左右入座每個人係＄218，可以食兩個鐘。放題咁就一定當然係有沙律啦，刺身，壽司，手卷丶仲有日本料理丶小食、燒烤丶湯天婦羅炸物拉麵烏冬等等...佢嘅放題其實仲包埋一個蒸氣火鍋但係天氣實在太熱我同朋友都完全咁放棄咗，主力就留返去食放題小食上面啦！呢一間餐廳嘅飲品選擇算係我食過大多放題餐廳當中選擇最多嘅一間除咗汽水之外佢哋仲有清酒啦日本啤酒梅酒超級正！（無影晒太多。。。）首先試嘅就係呢個帶子裙邊沙律，帶子裙邊比我想像中多好多叫一碟兩個人試一試其實已經好夠。食放題當然一定要試佢嘅刺身啦，我哋叫咗三文魚象拔蚌八爪魚 螺片帶子同埋甜蝦。帶子同埋甜蝦超級鮮甜，而且三文魚好厚切好肥美！試過刺身又叫咗火焰海膽赤蝦壽司同埋火焰黃金三文魚壽司。兩者合乎標準正正! 想同大家推薦呢個黃金焗蠔佢上面有芝士沙律蛋黃醬，上碟嘅