白鬍子炸魚薯條

Open Now

Now Closed

之前嚟過呢間《白鬍子》，試過佢地既炸魚薯條好好食，成日都好想再嚟，今日同兩個死黨行開呢頭附近，梗係要帶埋佢地去試下la，呢排天氣都幾熱我地都係簡左入室內坐，一來冇咁熱二來可以好近部遊戲機可隨時玩返兩手，講返嘢食先今次由我發板叫左:-招牌炸魚薯條-白啤酒青口 -白啤酒炸蠔 -明太子釀雞翼 -鐵板安格斯西冷 -凍檸茶 炸魚薯條同啤酒炸蠔同樣保持倒好高水準，呢兩款炸嘅小食都係即叫即做新鮮即炸，出嚟既味道果然係零捨不同，青口用白啤酒既煮法都幾特別而且個味都幾夾幾好食，跟青口仲附送幾件蒜蓉包都唔講得笑，啲蒜蓉好入味個包又脆脆地非常之好食，明太子釀雞翼都唔錯，我同朋友都特別推介鐵板安格斯西冷，雖然唔係去咗扒房，但呢度塊牛扒嘅水準好高好有牛肉味，牛肉質素食得出真係靚嘅安格斯西冷，而且整嘅生熟度恰到好處，點少少附帶既醬汁同埋鹽粒配合埋真係冇得輸，呢度店員嘅服務都好好，尤其女店員好親切又好好笑容， 所以今日呢個聚會又食得開心又玩得開心，啲死黨完全冇詐型，仲話一有機會都會再嚟tim。