Video
Read full review
2019-10-02
38 views
今日黎到朋友介紹係大角咀嘅crazy king ，朋友話呢到好食，抵食，又有heart喎！等我試試係咪真係咁正先😍一睇Meun, 有魚子醬餐，先$250咋，唔洗諗，就佢喇！主菜嗌左皇家乾魚籽醬海蝦忌廉汁意粉同芝士焗澳洲和牛面頰肉。一黎就上個魚子醬三重奏，唔好講咩，賣相已經夠哂吸引，職員好細心咁介紹我地要點食，先食 刺身，刺身分別有腩位同赤身位，先食腩位，一入口食到魚子醬的咸水味配埋原味嘅魚腩，咸淡適合，仲有出左刺身嘅鮮甜。而且腩位，一路咬一路會有陣陣魚油香出黎，跟住再食赤身，都好似食緊魚腩咁👍果然係專業食法食完刺身就黎個魚子醬溫泉蛋，清一清個口先（會唔會太奢侈吖），溫泉蛋一啲都唔會腥，仲完全突出左個魚子醬嘅咸香，鮮味！最後呢個係傳統美式薯仔沙律配紅蝦薄片加魚子醬，魚子醬唔再多講，但無論係沙律定紅蝦薄片都真係心機之作👍喺職員未講點整之前我只係單純覺得好食，但佢講完做法之後，我先知咁好食係有原因架！野菜沙律，野菜新鮮，但重點係個蜜糖黑醋汁，平時出去食沙律，一係唔夠黑醋無味，一係多得濟太酸，但呢到唔一樣，夠多黑醋，仲自家製嘅蜜糖黑醋汁中，用蜜糖中和左黑醋嘅酸而又唔太甜👍南瓜湯，除左南瓜嘅甜，
一睇Meun, 有魚子醬餐，先$250咋，唔洗諗，就佢喇！主菜嗌左皇家乾魚籽醬海蝦忌廉汁意粉同芝士焗澳洲和牛面頰肉。
一黎就上個魚子醬三重奏，唔好講咩，賣相已經夠哂吸引，職員好細心咁介紹我地要點食，先食 刺身，刺身分別有腩位同赤身位，先食腩位，一入口食到魚子醬的咸水味配埋原味嘅魚腩，咸淡適合，仲有出左刺身嘅鮮甜。而且腩位，一路咬一路會有陣陣魚油香出黎，跟住再食赤身，都好似食緊魚腩咁👍果然係專業食法
食完刺身就黎個魚子醬溫泉蛋，清一清個口先（會唔會太奢侈吖），溫泉蛋一啲都唔會腥，仲完全突出左個魚子醬嘅咸香，鮮味！
最後呢個係傳統美式薯仔沙律配紅蝦薄片加魚子醬，魚子醬唔再多講，但無論係沙律定紅蝦薄片都真係心機之作👍喺職員未講點整之前我只係單純覺得好食，但佢講完做法之後，我先知咁好食係有原因架！
野菜沙律，野菜新鮮，但重點係個蜜糖黑醋汁，平時出去食沙律，一係唔夠黑醋無味，一係多得濟太酸，但呢到唔一樣，夠多黑醋，仲自家製嘅蜜糖黑醋汁中，用蜜糖中和左黑醋嘅酸而又唔太甜👍
南瓜湯，除左南瓜嘅甜，仲飲到炒香左嘅洋蔥甜味，飲得出唔係來貨👍
皇家乾魚籽醬海蝦忌廉汁意粉
哩個就勁喇，忌廉汁好香但一啲都唔膩，海蝦彈牙，意粉一啲都唔會稔仲有少少煙韌嘅感覺👍最勁係最後上菜廚師會拎住今年新返，無咩地方試到嘅乾魚子醬刨落個意粉到，意粉嘅熱力將乾魚子醬嘅香味揮發出黎，直程係perfect!
芝士焗澳洲和牛面頰肉
呢個又係勁哂功夫嘅一個菜，焗和牛面頰肉，平來都怕好油，仲佢地淨係焗都搞幾個鐘，將多餘嘅油處理哂，上到枱佢已經變成好稔，好濃肉味，好好食嘅面頰肉😍😍再人手整薯蓉係底，連啲肉汁都撈埋👏
咖啡好香濃，檸檬茶真係好值得試，唔係西式紅茶，都唔係茶餐廳檸茶，唔知點形容，但真係好好飲👍
總括黎講，連最簡單的沙律都可以食到佢地嘅用心，比咁少嘅價錢，可以食到咁用心，咁好食同咁好嘅服務，我諗唔到咩原因唔去食，真係要支持下小店😍因為佢地真係crazy ， 對食真係有執著！！
Post
