民華魚蛋粉麵

Open Now

Now Closed

早前與友人往大埔綠滙學苑半天遊（即舊大埔警署，列作一級古蹟，值得遠道前往參觀）回程覓食，行經廣福里，見到民華魚i蛋粉麵，奇怪啊，多了魚蛋粉麵稱號，睇睇餐牌，餐價好似比市區稍平，橫掂在市區民華餐廳都是我杯茶，就在眼前，梗係入去喇！坐冇虛席，要坐在靠近出餐位呢。去民華食野，有些是必点之選架：常餐叫了义燒米粉配火腿炒蛋多士，一如既往，米粉湯底是很熱的，冇得輸呀！最憎有茶餐廳D湯底不慍不火……---西多亦是民華必選之物，一大塊牛油在中央，新鮮滾熱辣，每人三塊仔就即埸KO左碟西多了😋-跟住叫了紫菜五寶河，五寶河有魚片，魚角，魚皮，魚皮餃，各有特色，---牛腩魚角撈麵-而撈麵有牛腩加魚角，喜歡叫撈面原因是因為常覺得一碗麵通常是唔夠飽的，但撈面只加多少少錢，碟麵就大大碟了，而且是有腍腍的牛腩和彈牙的魚角，-另外以優惠價加了蚝油菜芯及芥蘭，好處是沒有油，較健康，D菜又靚又腍甜，超讚呢。-是日是眼有福，肚子又滿足，盡興而回！