問卷手卷專門店 (Closed)

疫情以來幾乎無去過掃街，近日心思思想食吓垃圾，相約好友喺閒日去葵廣，大食一番！咁耐無去感覺依舊親切，由底層開始掃返上去，第一站去到問卷手卷專門店，十二點三左右已經有三數個人等緊，咁啱有張大單在前，落單後大約十至十五分鐘至到手。爆脆卷 $35太卷選擇甚多，有選擇困難症嘅相信都要一段時間先決定到。爆脆卷即點即做，包含三文魚、天婦羅脆脆、青瓜，加上少少醬汁，一口一件、簡單清新。店主歡迎自備容器餐具，食得更環保開心。