熊野日本料理 (Closed)

無影到相，落單果時已經講左兩次"三文魚腩刺身"，但落單哥哥仔堅持兩次都覆我同寫"三文魚刺身"，黎到都真係比"三文魚刺身"，算數。三文魚同油甘魚刺身完全唔得，個款似責左好耐既貨尾咁，係就係切到鬼死咁大件，但唔係切得厚就叫好。軟殼蟹手卷，唔用手卷架上都算，平訓落隻碟到上，D蟹子一上已經跌哂落碟,，竟然咁都要收46蚊一個手卷。仲有個安格斯壽喜燒，果個湯底甜過糖水，可能我唔識食啦。係得個燒牛舌中規中矩。埋單兩個人450, 2個刺身,1個細牛肉鍋,1個手卷,1個燒牛舌。平時都好少上Openrice寫食評，但個體驗太差。