混亂拉麵 (Closed)

近排突然中意左食拉麵，上網見到喱間混亂拉麵就心郁郁想試，加上口碑都唔錯就決定試下。入到去店員會比點菜紙你圈，有五款麵揀，我就揀左玉子混亂拉麵，男朋友揀左啱男仔食比較多肉嘅麵。等左大約十分鐘就入到去啦，但係等麵都等左十至十五分鐘。麵黎到就聞到好香蒜頭味，因為我揀左兩倍份量，而肥豬肉更加揀左三倍！因為個人都中意食肥肉嘅香味。整體黎講最好食反而係肥豬肉，爽口得黎又有油脂香，麵質有兩種選擇，今次揀嘅幼麵口感都唔錯，唯獨係份量唔係圖中見到咁多，男仔食應該係唔夠飽的。食完混亂拉麵後，反而更推薦位於荃灣嘅台風，份量同價錢都比較多同抵。