Video
Read full review
2010-06-13
12 views
今日6 月13日, 知道杏花村商場有世界盃睇, 想去感受o下熱鬧氣氛, 響直播賽事既大電影旁邊, 正好係本人經常幫襯既 甘味, 既然可以一邊食晚飯一邊睇波, 當然係不二之選, 入座後發覺部份食物已再度加價, 幅度唔細喎, 再加真係接受唔到囉 ~食評如下 ~鐵板牛柳粒蕃茄湯讚岐手打烏冬 ($48) ~ 鐵板牛柳大概有 8 粒, 烏冬份量少左 d, 但真係好滑好滑, 彈牙就唔多覺啦, 但精髓係蕃茄湯, 真係好香濃, 次次都會飲晒, 但如果再加價超過 $50 一碗既就唔會食得咁密.咖哩豬軟骨撈讚岐手打烏冬 ($44) ~ 豬軟骨味道好似煲完湯既豬肉, 咖哩味好輕, 合唔鍾意食太辣咖哩味既朋友, 烏冬都係好滑但唔彈牙既, 都唔多似手打烏冬, 但總好食過響超級市場買既包裝烏冬麵好多.免治雞肉冬菇二十殼釜飯 ($42) ~ 包埋一碗麵豉湯, 一小份粟米, 此食品本人每次必食, 所以好清楚記得上次食時係 $38, 今次一加就去到 $42, 有點過份, 但個飯本身好大份, 個碗好深既, 而且雞肉汁一直滲到落碗底, 絕對啖啖都有汁, 好好味! 加價屬正常但最好唔好一次加咁多.芝士年糕 ($28) ~ 只
食評如下 ~
鐵板牛柳粒蕃茄湯讚岐手打烏冬 ($48) ~ 鐵板牛柳大概有 8 粒, 烏冬份量少左 d, 但真係好滑好滑, 彈牙就唔多覺啦, 但精髓係蕃茄湯, 真係好香濃, 次次都會飲晒, 但如果再加價超過 $50 一碗既就唔會食得咁密.
咖哩豬軟骨撈讚岐手打烏冬 ($44) ~ 豬軟骨味道好似煲完湯既豬肉, 咖哩味好輕, 合唔鍾意食太辣咖哩味既朋友, 烏冬都係好滑但唔彈牙既, 都唔多似手打烏冬, 但總好食過響超級市場買既包裝烏冬麵好多.
免治雞肉冬菇二十殼釜飯 ($42) ~ 包埋一碗麵豉湯, 一小份粟米, 此食品本人每次必食, 所以好清楚記得上次食時係 $38, 今次一加就去到 $42, 有點過份, 但個飯本身好大份, 個碗好深既, 而且雞肉汁一直滲到落碗底, 絕對啖啖都有汁, 好好味! 加價屬正常但最好唔好一次加咁多.
芝士年糕 ($28) ~ 只得 2 件, 但會切為 4 件先上碟, 都幾好食既, 可以一試
總括黎講, 食物係 OK 既, 加價都應該既, 但慢慢加會易少少接受. 否則連熟客都可能留唔住.
服務方面, 每位著灰色衫既侍應都好有禮貌既, 只係有一位黑色套裝戴黑眼鏡既女子(疑似店長人物), 長期都係服務態度一般既, 永遠唔准客人並排而坐, 一定要人面對面坐既, 就算客人多番要求佢都係堅持原則, 令人甚感奇怪既, 又經常落錯單, 明明都已經叫佢覆一次先入電腦都錯既, 真係怕左佢. 希望佢唔好持住自己係高層成日咁樣啦.
Post
