The Upper Deck (Under Renovation)

東涌靚景餐廳- The Upper Deck約左朋友仔放假去踩單車，由欣澳出發去東涌，事前我地已經bookmark 左要去《灣景薈》入面既海景餐廳。貪佢平日有位泊單車又有得食海景Chill 下🥰因為我地早左去，仲可以睇埋日落tim 呀，一路傾計一路望住個景實在太寫意，而喺餐廳最邊既位置假日會有Live Band 炒熱氣氛，諗起都興奮👍👍👍 而中間地方就好闊落，仲有張桌球枱，枱同枱之間都有d 距離，空間感十足👀生蠔半打$230即開生蠔新鮮，生蠔鮮甜滲透些少海水味，好食👍蟹肉薯餅$168比我想像中有更多蟹肉，一咬落去啖啖蟹肉絲，配上芒果酸辣沙沙醬，好惹味。烤豬肋骨伴沙律薯條（半份）$298烤豬肋骨面頭配上自家製嘅燒烤醬，好夠味，而且肉好林，用叉可以撕開，但略嫌肉質偏瘦，而薯條炸得香脆，面頭灑上橙色既味粉，增添風味，最令我驚喜係沙律，可以每條菜都裹上醬汁，好入味喎😱原本我地仲想嗌埋甜品，不過我已經好飽啦，唯有下次再試啦，驚太飽陣間踩返東涌站會頂胃，最後想提提大家假日渣車黎食飯停車場可能要等位, 所以最好book 位時先講定，預留下停車場車位既數目。