Eris's Kitchen (Closed)

今日朋友約喺呢度食，我喺D2揾左一陣先揾到，原來就係喺打golf既鋪頭裡面。睇住人地打golf幾過癮，尤其有啲打到好遠嗰啲呯呯聲。牛油果有子沙律夠新鮮，難得地牛油果都好好味，唔會有種怪怪嘅味道，最怕有時牛油果熟得滯有咁有餐味道又乖，但呢個牛油果啱啱好。夾埋有自己都好電線，唔會有柚子嘅苦澀味。炸魷魚鬚夠脆口，有少少嘅咖喱味飄過黎，夾埋個醬，送啤酒吹水一流。除左魷魚鬚份量細啲，份鴨肝都比較微型，好在味道還好，整得幾香，又唔太膩，補番份滿足感。平時我唔太好食魚，但今次我竟然覺得煎三文魚好味過牛扒。牛扒既熟成雖然做得幾好，但唔知係扒本身既肉味唔夠定做法，個人覺得呢份牛扒有口感，但味道可以再濃啲。而個魚就整得相當出色，外皮脆卜卜，肉唔會「鞋」，一路食都有魚油香。呢一份會大力推介。整體黎講，呢度都不失為一個坐低同fd吹晚水，慢慢食一餐，又唔太貴既好地方。